ગુજરાતમાં ઘણા લાંચિયા અધિકારીઓ અને પોલીસ અધિકારીઓ ACBની ઝપટે ચડતા હોય છે. લોકો પાસેથી સરકારી કામ કરાવવાના નામે લાંચ માંગતા લાંચિયા અધિકારીઓના લીધે દેશો વિકાસ રુંધાય છે.ત્યારે જૂનાગઢમાં ચોરવાડ નગરપાલિકાનો અધિકારી લાંચ લેતા ઝડપાતા ચકચાર મચી જવા પામી હતી.એક અરજદાર પાસે બ્લોક ફીટીંગનું બિલ પાસ કરાવવાના નામે લાંચની માંગણી કરી હતી.જે માટે તેણે કુલ 1,43,000ની માંગણી કરી હતી.


અરજદાર પાસે લાંચની માંગણી

Also Read

સૂત્રો પાસેથી મળતી માહિતી મુજબ ચોરવાડ નગરપાલિકામાં એક અરજદારને બ્લોક ફીટીંગ કરાવવાનું હતું.જે માટે તેણે ઈજનેર પાસે બિલ પાસ કરાવવા માટે અરજી કરી હતી.તો બ્લોક ફીટીંગનું બિલ પાસ કરાવવા માટે ઈજનેરે લાંચની માંગણી કરી હતી. આ અરજદારનું છેલ્લા 3 વર્ષથી બિલ બાકી હતું. જે માટે લાંચિયા અધિકારીએ કુલ 1,43,000 લાંચ માંગી હતી. બિલ પાસ કરાવવા માટે લાંચ માંગતા અરજદારે આ અંગે એસીબીમાં ફરિયાદ કરી હતી.

ACBએ અધિકારીને ઝડપ્યો

લાંચિયા અધિકારીને પકડવા માટે એસીબીએ છટકું ગોઠવ્યું હતું. ઈજનેરને લાંચ લેવા માટે નિર્ધારિત જગ્યા પર બોલાવીને અરજદારે લાંચ આપી હતી.ACBએ રંગે હાથે ઈજનેરને ઝડપી લીધો હતો. તેની પાસેથી પૈસા જપ્ત કરીને તેની અટકાયત કરી હતી. લાંચિયા અધિકારીને ઝડપીને ACBએ વધુની તપાસ હાથ ધરી હતી. તો અગાઉ પણ એવી ઘટનાઓ બની છે. જેમાં લાંચિયા અધિકારીઓ અરજદારોના કામ કરાવવા માટે પૈસા માંગતા હોય છે. જેના લીધે દેશમાં ભ્રષ્ટાચારનું ઝેર વધી રહ્યું છે. તો આવા લાંચિયા અધિકારીઓ સામે કાર્યવાહી કરવી ખૂબ જ જરૂરી છે.

  • Follow us on: