ગુજરાતમાં દેહવિક્રયના કાળા કારોબાર સામે પોલીસે લાલ આંખ કરી છે. રાજ્યના બે જુદા-જુદા વિસ્તારોમાં પોલીસે ઓપરેશન હાથ ધરીને હાઈપ્રોફાઈલ કુટણખાનાનો પર્દાફાશ કર્યો છે. કચ્છના ગાંધીધામમાં સ્પાની આડમાં અને જુનાગઢના કેશોદમાં રહેણાંક ફ્લેટમાં ચાલતા સેક્સ રેકેટ પર પોલીસે દરોડા પાડીને કાયદેસરની કાર્યવાહી હાથ ધરી છે.
ગાંધીધામની ગોકુલ હોટેલમાં પોલીસનો સપાટો
કચ્છના ગાંધીધામમાં એ ડિવિઝન પોલીસ મથકને બાતમી મળી હતી કે ગોકુલ હોટેલમાં આવેલા એક સ્પામાં ગેરકાયદેસર રીતે સેક્સ રેકેટ ચલાવવામાં આવી રહ્યું છે. પોલીસે પ્લાન ઘડીને સ્પામાં એક ડમી ગ્રાહક મોકલ્યો હતો. ડમી ગ્રાહકનો ઈશારો મળતાં જ પોલીસે ત્રાટકીને સમગ્ર પર્દાફાશ કર્યો હતો. આ દરોડા દરમિયાન પોલીસે દેહવિક્રયના દલદલમાંથી છત્તીસગઢની બે અને મુંબઈની એક લલનાને મુક્ત કરાવી હતી. સ્પામાં હાજર બે મહિલા મેનેજર અને સ્પા સંચાલક સહિત કુલ ત્રણ પરપ્રાંતીય મહિલાઓ સામે પોલીસે ગુનો નોંધી આગળની કાર્યવાહી હાથ ધરી છે.
