મહેસાણાના બાસણા નજીક આવેલ મર્ચન્ટ કોલેજમાં 19 વર્ષીય ઉર્વશી શ્રીમાળી નામની વિદ્યાર્થિનીએ આપઘાત કરી લીધો હતો. આ વિદ્યાર્થીનિએ ગર્લ્સ હોસ્ટેલમાં ગળેફાંસો ખાઈ લઈને જીવન ટુંકાવ્યું હતું. વિદ્યાર્થિનીના આત્મહત્યા મામલે પોલીસે આચાર્ય અને 4 પ્રોફેસરની અટકાયત કરી છે.
મળતી માહિતી મુજબ, મહેસાણામાં હોમિયોપેથી કોલેજમાં વિદ્યાર્થિની આત્મહત્યા કેસમાં વિદ્યાર્થિનીના પિતાએ નોંધાવેલી ફરિયાદ આધારે પોલીસે આચાર્ય અને 4 પ્રોફેસરની અટકાયત કરી છે. વિદ્યાર્થિનીને માનસિક ટોર્ચર કરવાના વાલીએ આક્ષેપ લગાવ્યા છે. આ સાથે વિદ્યાર્થિનીને ન્યાય મળે તેવી માગણી પણ કરવામાં આવી છે. જોકે પોલીસે આરોપીઓની અટકાયત કરીને વધુ તપાસ હાથ ધરાઇ છે.
