રાજ્યમાં વરસાદને લઇ હવામાન વિભાગની આગાહી, ખેડૂતોમાં ચિંતા વધી

• કેટલાક વિસ્તારોમાં છૂટો છવાયો વરસાદ રહેશે
  
• ભારે વરસાદની સંભાવના નથીઃ હવામાન વિભાગ
• ઉત્તર-દક્ષિણ ગુજરાતમાં સામાન્ય વરસાદની સંભાવના

રાજ્યમાં વરસાદને લઇ હવામાન વિભાગની આગાહી છે. જેમાં કેટલાક વિસ્તારોમાં છૂટો છવાયો વરસાદ રહેશે. તથા ભારે વરસાદની સંભાવના નથી તેમ પણ હવામાન વિભાગે જણાવ્યું છે. ઉત્તર-દક્ષિણ ગુજરાતમાં સામાન્ય વરસાદની સંભાવના છે.

બનાસકાંઠા, સાબરકાંઠામાં છૂટાછવાયા વરસાદની સંભાવના

બનાસકાંઠા, સાબરકાંઠામાં છૂટાછવાયા વરસાદની સંભાવના છે. તેમજ પાટણ, મહેસાણા, બનાસકાંઠામાં વરસાદની આગાહી છે. તથા ડાંગ અને તાપીમાં છૂટાછવાયા વરસાદની સંભાવના રહેલી છે. તેમજ અમદાવાદ હવામાન વિભાગના ડાયરેક્ટર ડો. મનોરમા મોહન્તીના જણાવ્યા પ્રમાણે વરસાદ અંગે કોઇ એલર્ટ નથી. રાજ્યમાં કેટલીક જગ્યાએ હળવો વરસાદ થઇ શકે છે. આ સાથે તેમણે જણાવ્યુ કે, ઉત્તર ગુજરાતના બનાસકાંઠા, સાબરકાંઠા, પાટણ અને દક્ષિણ ગુજરાતમાં વલસાડ, નવસારી, ડાંગ તાપીમાં હળવો વરસાદ રહી શકે છે તેવું અનુમાન કરવામાં આવ્યું છે.

સૌરાષ્ટ્ર અને કચ્છમાં પણ એકાદ જગ્યાએ હળવો વરસાદ રહી શકે છે

સૌરાષ્ટ્ર અને કચ્છમાં પણ એકાદ જગ્યાએ હળવો વરસાદ રહી શકે છે. સૌરાષ્ટ્રમાં ભાવનગર, બોટાદમાં એકાદ જગ્યાએ હળવો વરસાદ રહી શકે છે. આ સાથે કચ્છમાં પણ એકાદ વિસ્તારમાં વરસાદ થઇ શકે છે. આ વરસાદ સાર્વત્રિક વરસાદ નથી. મનોરમા મોહન્તીએ ઠંડી અંગે જણાવતા કહ્યુ છે કે, માવઠા બાદ રાજ્યનું લઘુત્તમ તાપમાન વધુ ત્રણ ચાર ડિગ્રી ઘટી શકે છે. આજ રાતથી ઠંડી વધશે.