Vadodaraમાં લગ્નની લાલચ આપી સગીરા સાથે દુષ્કર્મ, પોલીસે 3 આરોપીની કરી ધરપકડ

દેશમાં મહિલાઓ હવે સુરક્ષિત રહી નથી. દુષ્કર્મ અને છેડતીના બનાવો અવારનવાર સામે આવતા રહે છે. તો ઘણીવાર લગ્નની લાલચ આપીને પણ સ્ત્રીઓનું શોષણ કરવાની ઘટનાઓ બને છે. આરોપીઓ સગીરા કે યુવતીઓને ફોસલાવીને જાળમાં ફસાવતા હોય છે. તેવા ઘણા કિસ્સાઓ અવારનવાર સામે આવે છે. ત્યારે આવો જ એક બનાવ વડોદરામાંથી સામે આવ્યો હતો. જેમાં સગીરા સાથે લગ્નની લાલચ આપીને આરોપીએ દુષ્કર્મ આચર્યું હતું.

સગીરા પર દુષ્કર્મની ઘટના

સૂત્રો પાસેથી મળતી માહિતી મુજબ વડોદરામાંથી એક સગીરા સાથે દુષ્કર્મની ઘટના બની હતી. આરોપી સોહેલ પઠાણે સગીરાને પ્રેમજાળમાં ફસાવી હતી. જે બાદ લગ્નની લાલચ આપીને આરોપીએ દોઢ વર્ષ સુધી દુષ્કર્મ આચર્યું હતું. ઉપરાંત આરોપી સગીરા સાથે મારઝૂડ કરતો હતો. તેમજ સગીરા પર ધર્મ પરિવર્તન કરવાનું દબાણ કરતો હોવાનો આરોપ છે.

આરોપીઓ વિરુદ્ધ ફરિયાદ

આરોપીએ સગીરા સાથે દુષ્કર્મ આચરીને તેને પોતાનો શિકાર બનાવી હતી, તેમજ આરોપીને 2 લોકોએ મદદ કરી હતી.તેથી આરોપીઓએ સગીરા સાથે મારઝૂડ શરુ કરતા સગીરાએ પોલીસ ફરિયાદ નોંધાવી હતી. આરોપીઓ સામે કપુરાઈ પોલીસે પોક્સો હેઠળ ફરિયાદ નોંધી હતી, જેમાં આરોપી સાહેલ પઠાણ અને તેના સાગરિતો ફઈમ અફીમવાલા અને જુનેદ મલેકની પોલીસે પોક્સો એક્ટ હેઠળ ધરપકડ કરી હતી. જે મામલે પોલીસ વધુ કાર્યવાહી હાથ ધરશે. તો 3 દિવસ અગાઉ રાજકોટમાં દુષ્કર્મનો ભોગ બનનારી 13 વર્ષીય સગીરાએ બાળકને જન્મ આપ્યો હતો. જેમાં તેના પિતરાઈ ભાઈ અને તેના મિત્રે સગીરા પર દુષ્કર્મ આચર્યું હતું.