Morbi: માળિયા-હળવદ હાઇવે પર ડમ્પરમાં આગ લાગી, ટાયરને થયું નુકસાન

વાહનોમાં શોર્ટ સર્કિટના કારણે ઘણીવાર આગ લાગવાની ઘટનાઓ બનતી હોય છે. જેમાં ઘણું નુકસાન વેઠવાનું આવતું હોય છે. ઘણીવાર ચાલુ વાહને શોર્ટ સર્કિટ થતા કાર ચલાવનાર ડ્રાઈવરનો જીવ પણ જોખમાતો હોય છે. જેમાં ઘણીવાર જાનમાલને ખૂબ જ મોટું નુકસાન ભોગવવાનું આવતું હોય છે.તેમજ હાઈવે પર ચાલુ વાહનમાં આગ લાગવાની ઘટનાઓ બનતી રહે છે. આવો જ એક બનાવ મોરબીના માળિયા-હળવદ હાઈવે પર આગનો બનાવ બન્યો હતો.

ડમ્પરમાં આગ લાગી

મોરબીના માળિયા-હળવદ હાઈવે પર આગનો બનાવ સામે આવ્યો હતો. માળિયા-હળવદ હાઈવે દેવળીયા ચોકડી પાસે ડમ્પરમાં આગ લાગી હતી. માળિયા તરફ પથ્થર ભરીને જતા ડમ્પરમાં અચાનક આગ લાગી હતી. જેના લીધે ડ્રાઈવર ડરી ગયો હતો, તો શોર્ટ સર્કિટના લીધે આગ લાગ્યાનું અનુમાન લગાવવામાં આવ્યુ છે. આગ લાગતા ડમ્પરના પાછળનો ભાગ બળીને ખાક થઈ જવા પામ્યો હતો. આગ લાગતા ધૂમાડાના ગોટેગોટા ઉડવા લાગ્યા હતા.

ટાયરના ભાગે નુકસાન

માળિયા-હળવદ હાઈવે પર ડમ્પરના પાછળના ભાગે આગ લાગી હતી. જેના લીધે હાઈવે પર વાહનચાલકોએ વાહનો થંભાવીને ઉભા રહ્યા હતા. સમગ્ર ઘટનાને પોતાની નજરે નિહાળી હતી.તો કેટલાકે ડમ્પરમાં લાગેલી આગનો વીડિયો પણ ઉતારી લીધો હતો. પ્રાથમિક માહિતીમાં જાણવા મળેલ છે કે, ટાયર ગરમ થઈ જતા આગ લાગી હતી. અગાઉ પણ વાહનોમાં આગ લાગવાની ઘટનાઓ બની છે. અગાઉ સુરતમાં પણ ઇલેક્ટ્રીક બસમાં આગ લાગી હતી. જેના લીધે મુસાફરો ડરી ગયા હતા. પરંતુ ફાયર વિભાગે આગને કાબૂમાં લઈ લીધી હતી.