Narmada: નકલી આવકના દાખલા કાઢવાનું કોભાંડ ઝડપાયું, આરોપી સામે ક્યારે થશે કાર્યવાહી?

ગુજરાતમાં કોઈને કાયદાનો કે ખાખીની સજાનો ડરના હોય તેમ વિવિધ ગુનાઓને અંજામ આપે છે ક્યારેક કોઈ વ્યક્તિ નકલી અધિકારી બની જાય છે તો ક્યારેક કોઈ નકલી સર્ટીફિકેટ કે ડોક્યુમેન્ટ બનાવવા લાગે છે. રાજ્યમાં ઘણી ઘટનાઓ નકલી ડોક્ટરોની પણ બની છે. ત્યારે હવે નર્મદામાં નકલી ઇન્કમ સર્ટી કૌભાંડ સામે આવ્યું છે.

નકલી ઇન્કમ સર્ટી કૌભાંડ

નકલી સર્ટીફિકેટ બાદ હવે નકલી આવકના દાખલા મામલે વધુ એક ફરિયાદ નોંધાઈ હોવાનું સામે આવ્યું છે. ચિત્રાવાડી ગ્રામ પંચાયતે આ અંગે પોલીસ ફરિયાદ કરી છે. નકલી આવકના દાખલા બનાવી RTE એડમિશન લેવાયું હતું. સાથે જ વિધવા સહાય, સરકારી યોજનાનો ખોટો લાભ લેવાનું કૌભાંડ પણ ઝડપાયું છે. સમગ્ર મામલે હવે નર્મદા પોલીસે SITની રચના છે.

પોલીસ હાથે હજુ એક પણ આરોપી લાગ્યા નથી

અગાઉ ફરિયાદ થઈ છે જેમાં મુખ્ય આરોપી દર્પણ પટેલ સહિત અન્ય આરોપી પોલીસથી દૂર છે. આ અંગે સાંસદ મનસુખ વસાવાએ ગંભીર સવાલ ઉઠાવ્યા છે. મનસુખ વસાવા કહ્યું હતું કે, આરોપીઓને કોઈ બચાવી રહ્યું છે તો બીજી તરફ કેસમાં ફરિયાદ થયાને 15 દિવસ થયા હોવા છતાં કોઈ કાર્યવાહી કરવામાં આવી નથી. પોલીસ આ મામલે તપાસ કરી રહી છે કે નહીં પણ એક સવાલ છે કારણ કે પોલીસ હાથે હજુ એક પણ આરોપી લાગ્યા નથી.