અમદાવાદના મેઘાણીનગરમાં ગુરુવાર (12 જૂન)ના રોજ પ્લેન ક્રેશની દુર્ઘટના બની છે.મેઘાણીનગરમાં એરઈન્ડિયાનું પ્લેન ટેક ઓફ થયાના થોડી જ ક્ષણોમાં ક્રેશ થતા ભયાનક અકસ્માત બન્યો.પ્લેન ક્રેશ દુર્ઘટનામાં ખેડાના મહુધા તાલુકાના સિઘાલી ગામના બે લોકોના મોત થયા છે. મૃતક દિકરાને મળવા માટે લંડન જઈ રહ્યા હતા.ખેડાના મહુધા તાલુકાના સિઘાલી ગામના પટેલ દંપતીનું પ્લેન ક્રેશમાં મોત થયું છે. પરિવારને પ્લેન ક્રેશમાં દંપતીના મોતની જાણ થતા પરિવાર તથા ગામમાં શોકનો માહોલ છવાયો છે.
સિઘાલી ગામના દંપતીનું પ્લેન ક્રેશમાં મોત
મહુધા તાલુકાના સિઘાલી ગામના પતિ પત્નીનું પ્લેન ક્રેશમાં મોત થયું છે. પરિવારને પ્લેન ક્રેશમાં દંપતીના મોતની જાણ થતા પરિવાર તથા ગામમાં શોકનો માહોલ છવાયો છે. પ્રવીણભાઈ પટેલ અને પત્ની રંજનબેન લંડન પુત્રને મળવા નીકળ્યા હતા. પુત્રને મળે તે પહેલા દંપતીને મોત મળતા પરિવારમાં શોક વ્યાપી ગયો છે. આ ઘટના ઘટતા પરિવારની પુત્રીઓ પિતાના ઘરે આવી પહોંચી અને પુત્ર પણ લંડન થી ભારત આવવા નીકળી ગયા છે.
