Ahmedabad News: ગુજરાત યુનિવર્સિટીના સિન્ડિકેટ સભ્ય શ્વેતલ સુતરિયાએ UGCની ગ્રાન્ટના 75 લાખ માગ્યા હોવાનો આક્ષેપ

ગુજરાત યુનિવર્સિટીના સિન્ડિકેટ સભ્ય સામે HRDCના ડાયરેક્ટરે ગંભીર આક્ષેપો કર્યાં છે. સિન્ડિકેટ સભ્ય શ્વેતલ સુતરિયાએ લાંચ માંગી હોવાનો ડાયરેક્ટરે આક્ષેપ કર્યો છે. UGC ગ્રાન્ટના 75 લાખની માગ કરાઇ હોવાનો આક્ષેપ કરવામાં આવ્યો છે. ડાયરેક્ટરે એવો પણ આક્ષેપ કર્યો હતો કે, લાંચ ન આપે તો નુકસાન પહોંચાડવાની ધમકી આપી હતી. ગ્રાન્ટમાંથી આવતા પૈસા આપવા દબાણ કર્યાનો આક્ષેપ કરાયો છે.

શ્વેતલ સુતરિયાએ UGC માંથી આવતી ગ્રાન્ટમાંથી 75 લાખ માંગ્યા

ગુજરાત યુનિવર્સિટીમાં HRDCના ડાયરેક્ટરે યુનિવર્સિટીના વાઈસ ચાન્સેલરને સિન્ડિકેટ સભ્ય શ્વેતલ સુતરિયાએ લાંચ માંગી હોવાની ફરિયાદ કરી હતી. તેમણે એવો આક્ષેપ કર્યો હતો કે, સિન્ડિકેટ સભ્ય શ્વેતલ સુતરિયાએ UGC માંથી આવતી ગ્રાન્ટમાંથી 75 લાખ માંગ્યા છે. જો આ પૈસા નહીં આપે તો ડાયરેક્ટરને નુકસાન પહોંચાડવાની ધમકી આપી હોવાનો પણ આક્ષેપ ડાયરેક્ટર દ્વારા કરવામાં આવ્યો છે.

ડાયરેક્ટરે યુનિવર્સિટીના વાઈસ ચાન્સેલરને સમગ્ર બાબતે ફરિયાદ કરી

આ અંગે HRDCના ડાયરેક્ટરે યુનિવર્સિટીના વાઈસ ચાન્સેલરને સમગ્ર બાબતે ફરિયાદ કરી છે. 75 લાખની લાંચ ન આપતા સિન્ડિકેટ સભ્યએ 31 જુલાઈએ ડાયરેક્ટર સામે ફરિયાદ કરી હતી. સિન્ડિકેટ સભ્યએ છેલ્લા 10 વર્ષનો નાણાકીય ખર્ચ,શૈક્ષણિક ખર્ચ,વહીવટી કામગીરી અંગે વિગતો માંગી હતી.સમગ્ર મામલે યોગ્ય તપાસ યુનિવર્સિટીના વીસી દ્વારા કરવામાં આવશે. સંપૂર્ણ તપાસ કર્યા બાદ શિક્ષણ વિભાગને જાણ કરવામાં આવશે.