અમદાવાદ મ્યુનિસિપલ કોર્પોરેશન દ્વારા શહેરમાં ટ્રાફિક અને પાર્કિંગની ગંભીર સમસ્યાને હલ કરવા માટે નવી પાર્કિંગ પોલિસીનો અમલ શરૂ કરી દેવામાં આવ્યો છે. આ અંતર્ગત AMCએ શહેરમાં પાર્કિંગની જગ્યા જાહેર જનતા માટે ખુલ્લી ન મૂકનારા 225થી વધુ વ્યાપારી એકમો અને કોમ્પ્લેક્સને નોટિસ ફટકારી છે.
મુખ્ય 11 રસ્તાઓ પર આ વિશેષ ઝુંબેશ
AMC દ્વારા શહેરના મુખ્ય 11 રસ્તાઓ પર આ વિશેષ ઝુંબેશ હાથ ધરવામાં આવી છે.જેમાં સી.જી. રોડ પર આવેલા અનેક વ્યાપારી એકમો ઉપરાંત પ્રમુખ કોમર્શિયલ હબને નોટિસ આપવામાં આવી છે.ખાસ કરીને નિરમા યુનિવર્સિટી, ઇસ્કોન મોલ, સહજાનંદ કૉમ્પ્લેક્સ અને સિટી સેન્ટર જેવા જાણીતા એકમોનો આ યાદીમાં સમાવેશ થાય છે. આ એકમોને પબ્લિક પાર્કિંગ માટેની જગ્યા આપવા અંગે જાણ કરવામાં આવી છે.પાર્કિંગ પોલિસી મુજબ જે કોમર્શિયલ ઇમારતો કે એકમોમાં પાર્કિંગની જગ્યા ઉપલબ્ધ છે પરંતુ તેનો ઉપયોગ ગ્રાહકો કે જાહેર જનતા માટે કરવામાં આવતો નથી, તેમને AMC દ્વારા એકનોલેજમેન્ટ નોટિસ આપવામાં આવી છે.
