Ahmedabad: બારેજામાં એક કોમ્પ્લેક્સમાં 16 દુકાનોના તાળા તૂટ્યાં, ચોરીની સમગ્ર ઘટના સીસીટીવીમાં કેદ

અમદાવાદના જિલ્લાના બારેજામાં મોડી રાત્રે તસ્કરો ત્રાટક્યા હતા. ચોરોએ એક સાથે 16થી વધારે દુકાનોના તાળા તોડી હાથ ફેરો કરી ગયા છે. આસપાસની અલગ અલગ દુકાનોને નિશાન બનાવી લાખોની ચોરી કરી ફરાર થયા છે. આ ચોરીની સમગ્ર ઘટના સીસીટીવીમાં કેદ થઈ છે. જેમાં ચોર ચોરી કરતા નજરે જોવા મળી રહ્યા છે. આ ઘટના અંગે પોલીસને જાણ કરતા પોલીસ દોડતી થઈ છે. પોલીસે અલગ અલગ ટીમ બનાવી ચોરોને ઝડપી લેવા ચક્રોગતિમાન કર્યા છે.

બારેજામાં મોડી રાત્રે તસ્કરો ત્રાટક્યા

મળતી માહિતી પ્રમાણે બારેજામાં આવેલા એક કોમ્પ્લેક્સમાં બુકાની ધારી 3 ચોરો ત્રાટક્યા હતા. મોડી રાત્રે 3 વાગ્યાની આસપાસ દુકાનોના શટર તૂટ્યા છે. આ સમગ્ર ઘટના સીસીટીવીમાં કેદ થઈ છે. આ ઘટના મામલે પોલીસ ફરિયાદ કરતા પોલીસે ફરિયાદના આધારે સીસીટીવીની તપાસ કરી ચોરોને ઝડપી લેવા કાર્યવાહી હાથ ધરી છે.

કોમ્પ્લેક્સમાં બુકાની ધારી 3 ચોરો ત્રાટક્યા 

લોકો વહેલી સવારે દુકાનના તાળા તૂટેલા જોઈને લોકોએ પોલીસને તાત્કાલિક જાણ કરી હતી. ચોરોએ એક સાથે 16થી વધારે દુકાનોના તાળા તોડી હાથ ફેરો કરી ગયા છે.આ ઘટના અંગે ગ્રામ્ય પોલીસે ઘટના સ્થળે પહોંચી સમગ્ર મામલે તપાસ હાથ ધરી હતી. પોલીસે ગુનો નોંધી તસ્કરોને ઝડપી લેવા તજવીજ હાથ ધરી છે.