અરવલ્લીના ધનસુરા તાલુકામાં એક અત્યંત કરુણ અને ગમખ્વાર અકસ્માત સર્જાયો છે. જેમાં ટ્રક નીચે કામ કરી રહેલા ડ્રાઇવરનું કમકમાટીભર્યું મોત નીપજ્યું છે. ધનસુરા-શિકા રોડ પર આવેલી ગોકુલ હોટલ નજીક આ દુર્ઘટના બની હતી. મૃતક ડ્રાઇવર ટ્રક ચાલુ ન થતાં તેને રિપેર કરવા માટે ટ્રક નીચે સૂતા હતા. તેમણે ડાયરેક્ટ સેલ દ્વારા ટ્રક ચાલુ કરવાનો પ્રયાસ કર્યો હતો.
ધનસુરાના શિકા પાસે સર્જાઈ હતી દુર્ઘટના
આ પ્રયાસ દરમિયાન અચાનક ટ્રક ચાલુ થઈ ગઈ હતી અને તે આગળ ધપી હતી. ડ્રાઇવર ટ્રક નીચે હોવાથી, તે ટ્રકના વ્હીલ નીચે કચડાઈ ગયો હતો. જેના કારણે તેનું ઘટનાસ્થળે જ મોત નીપજ્યું હતું. સમગ્ર ઘટનાના CCTV ફૂટેજ પણ સામે આવ્યા છે. જેમાં આ ગંભીર અકસ્માતની પળ કેદ થઈ છે. ફૂટેજમાં જોઈ શકાય છે કે કેવી રીતે ટ્રક અચાનક ચાલુ થઈ અને આ દુર્ઘટના સર્જાઈ હતી.
