બનાસકાંઠા જિલ્લાના વાવ અને થરાદ વચ્ચેના માર્ગ પર આજે એક ગંભીર માર્ગ અકસ્માત સર્જાયો હતો. જેમાં બાઇક અને ટ્રેક્ટર વચ્ચેની ટક્કરમાં બાઇકચાલકનું ઘટનાસ્થળે જ કરુણ મોત નીપજ્યું હતું. આ અકસ્માત થરાદ-ધાનેરા હાઇવે પર થયો હતો. જ્યાં પૂરપાટ ઝડપે જઈ રહેલા બાઇક અને ટ્રેક્ટર કોઈ અકસ્માતજનક રીતે અથડાયા હતા.
ધાનેરા હાઇવે પર બાઇક-ટ્રેક્ટર વચ્ચે અકસ્માત
ટક્કર એટલી જોરદાર હતી કે બાઇકચાલકનું ઘટનાસ્થળે જ કમકમાટીભર્યું મોત નીપજ્યું હતું. બનાવની જાણ થતાં જ આસપાસના લોકો અને થરાદ પોલીસની ટીમ તાત્કાલિક ઘટનાસ્થળે દોડી આવી હતી. પોલીસે મૃતક બાઇકચાલકના મૃતદેહનો કબજો મેળવ્યો હતો અને તેને પોસ્ટમોર્ટમ માટે હોસ્પિટલ ખસેડવાની કાર્યવાહી હાથ ધરી હતી.
