ભાવનગરમાં પાણી ભરેલા ખાડામાં 3 બાળકો ડૂબતા 2 બાળકોના મોત થયા છે. જ્યારે એક બાળકની હાલત ગંભીર છે. જેને સારવાર અર્થે હોસ્પિટલ ખસેડવામાં આવ્યું છે. ઘોઘા ખાતે આવેલ આડી સડક પાસે બની રહેલા પાણીના ટાંકાની બાજુમાં પાણી ભરેલા ખાડામાં ત્રણ બાળકો ડૂબ્યા હતા. ત્રણ બાળકોમાંથી બે બાળકોના મોત થયા છે, જ્યારે એકની હાલત ગંભીર હોવાથી સારવાર માટે હોસ્પિટલ લઈ જવામાં આવ્યુ છે.


ઘોઘામાં 3 બાળકો ડૂબતા 2 બાળકોના મોત 

ઘોઘા ગામમાં 3 બાળકો ડૂબવાની ઘટના સામે આવતા પોલીસ ઘટના સ્થળે દોડી આવી છે. 2 બાળકો મૃતદેહને હાલ ઘોઘા હોસ્પિટલમાં પીએમ અર્થે ખસેડવામાં આવ્યા છે. બે બાળકોના મોતના પગલે પરિવારમાં શોકનો માહોલ છવાયો છે. પોલાસે હાલ અકસ્માતે મોતનો ગુનો નોંધી વધુ તપાસ હાથ ધરી છે.

Also Read

1 બાળકની હાલત ગંભીર 

ગામમાં 3 બાળકો ડૂબવાના બનાવમાં 1 બાળકની હાલત ગંભીર હોવાથી તેને સારવાર માટે ઘોઘા હોસ્પિટલમાં ખસેડવામાં આવ્યું છે. આ ઘટનાની જાણ થતા આસપાસના લોકો દોડી આવ્યા હતા. લોકો દ્વારા બાળકોના મૃતદેહને બાહર કાઢવામાં આવ્યા છે.


  • Follow us on: