Bhavnagar: સોમનાથ નેશનલ હાઈવે પર એમ્બ્યુલન્સે કટ મારવા જતા કાબુ ગુમાવ્યો, બે લોકોને અડફેટે લીધા, સમગ્ર ઘટના CCTVમાં કેદ

ભાવનગર- સોમનાથ નેશનલ હાઈવે ઉપર અકસ્માતની ઘટના સામે આવી છે. ખાનગી એમ્બ્યુલન્સ ચાલકે લોકોને અડફેટે લીધા છે. રોડની સાઈડમાં ઊભા રહેલા શ્રમિકોને અડફેટે લીધા છે. આ સમગ્ર અકસ્માતના CCTV ફૂટેજ સામે આવ્યા છે. આ ઘટનામાં એમ્બ્યુલન્સ બે લોકોને હવામાં ફંગોળ્યા છે. બાજુમાં રહેલી મહિલાઓનો બચાવ થયો છે. જોકે અકસ્માત બાદ એમ્બ્યુલન્સ ચાલક ફરાર થઈ ગયો છે.

ભાવનગર- સોમનાથ નેશનલ હાઈવે પર અકસ્માત

ભાવનગર- સોમનાથ નેશનલ હાઈવે ઉપર એમ્બ્યુલન્સની રફતારનો કહેર સામે આવ્યો છે. કોબડી ટોલનાકા નજીક રોડની સાઈડમાં ઉભા રહેલા પરપ્રાંતિય મજૂરોને પ્રાઇવેટ એમ્બ્યુલન્સે અડફેટે લીધા છે. એમ્બ્યુલન્સ અકસ્માતનો વાયરલ વીડિયો ગઈકાલનો હોવાનું સામે આવ્યું છે. ચિરંજીવી નામની ઇકો ગાડીની પ્રાઇવેટ એમ્બ્યુલન્સ જોવા મળી રહી છે. જેનો નંબર GJ- 04 AW- 5128 નમ્બર ની એમ્બ્યુલન્સ હોવાનું સામે આવ્યું છે.

એમ્બ્યુલન્સની રફતારનો કહેર

આ એમ્બ્યુલન્સ તળાજા તાલુકામાંથી એક દર્દીને ભાવનગર મૂકવા આવી હતી. ત્યારબાદ ભાવનગરથી પરત એમ્બ્યુલન્સ તળાજા જઈ રહી હતી તે સમયે સાઈડ કાપવા માટે કટ મારીને એમ્બ્યુલન્સ જઈ રહી હતી. તે સમયે બે યુવકને અડફેટે લીધા હતા, જ્યારે બે મહિલાઓ નજીકમાં જ ઉભી હતી જેનો આબાદ બચાવ થયો છે.