Bhavnagar: હત્યાની ઘટના બાદ વૈમનસ્ય ફેલાય તેવી રીલ્સ બનાવનાર ત્રણ આરોપી ઝડપાયા

ભાવનગરમાં કોમી વૈમનસ્ય ફેલાવનાર સામે કાર્યવાહી કરવામાં આવી છે. પોલીસે સોશિયલ મીડિયામાં રિલ્સ બનાવનાર ત્રણ આરોપીને ઝડપી પાડ્યાં છે. એક યુવકની હત્યા મુદ્દે ખૂન કા બદલા ખૂન હજુ બદલો લેવાશે તેવી રિલ્સ બનાવતા પોલીસ સક્રિય થઈ હતી. સોશિયલ મીડિયામાં વાયરલ થયેલી આ રિલ્સ બનાવનાર ત્રણેય આરોપીઓને પોલીસે પકડ્યા હતાં. સમગ્ર મામલે પોલીસે વધુ તપાસ હાથ ધરી છે.

ખૂન કા બદલા ખૂન, હજુ બદલો લેવાશે તેવી રિલ્સ બનાવી

પ્રાપ્ત વિગતો પ્રમાણે ભાવનગરમાં થોડા સમય પહેલા એક યુવકની હત્યા થઈ હતી. આ ઘટના બાદ બે સમાજ વચ્ચે કોમી વૈમનસ્ય ઉભુ થાય તેવો માહોલ બનાવવા સોશિયલ મીડિમાં રિલ્સ પોસ્ટ કરાઈ હતી. વાયરલ થયેલી આ રિલ્સ બાદ પોલીસ એક્શનમાં આવી હતી. પોલીસે આ રિલ્સ બનાવનાર ત્રણ આરોપીઓને પકડી પાડ્યા હતાં. આરોપીઓએ સોશિયલ મીડિયામાં ખૂન કા બદલા ખૂન અને હજુ બદલો લેવાશે તેવી રિલ્સ બનાવ્યા બાદ પોલીસે કાર્યવાહી શરૂ કરી હતી.

યુવકની હત્યાને લઈ ફેલાવતા હતા વૈમનસ્ય

ભાવનગરમા હત્યાની ઘટના બાદ બે જ્ઞાતિઓ વચ્ચે દુશ્મનાવટ વધે તેવી દુષ્પ્રેરણા આપતા ત્રણ આરોપીઓ સામે કાર્યવાહી કરવામાં આવી છે. બંને સમાજના ત્રણ શખ્સોની અટકાયત કરીને પોલીસે વધુ તપાસ હાથ ધરી છે. સોશિયલ મીડિયાના પ્લેટફોર્મ ઉપર ગુન્હો કરવા પ્રોત્સાહન આપતા ત્રણ શખ્સો સામે પોલીસે આકરી કાર્યવાહી શરૂ કરી છે.