Botad News : જિલ્લા રોજગાર વિનિમય કચેરી બોટાદ દ્વારા 28 ઓગસ્ટના રોજ ભરતી મેળાનું આયોજન કરાયું

જિલ્લા રોજગાર વિનિમય કચેરી, બોટાદ દ્વારા રોજગાર ઇચ્છુકોને રોજગારી પ્રાપ્ત થાય તેવા હેતુસર એસ.બી.આઇ.લાઇફ અને કટારીયા ઓટોમોબાઇલ્સ બોટાદ દ્વારા લાઇફ મિત્ર / ઉત્કર્ષ મેનેજર અને સેલ્સ એક્ઝિક્યુટિવની જગ્યા માટે ૧૮ થી ૪૦ વર્ષની વયમર્યાદા તેમજ ધોરણ -૧૦ / ધોરણ -૧૨ પાસ / ગ્રેજ્યુએટ ની લધુત્તમ શૈક્ષણિક લાયકાત ધરાવનાર માટે અનુબંધમ વેબપોર્ટલના માધ્યમથી આયોજિત ભરતીમેળામાં ભાગ લેવા રોજગાર ઇચ્છુકોએ જિલ્લા રોજગાર વિનિમય કચેરી , જિલ્લા સેવા સદન , ખસ રોડ , બોટાદ ખાતે તા .૨૮ / ૦૮ / ૨૦૨૫ ના રોજ સવારે ૧૧:૦૦ કલાકે ઉપસ્થિત થવાનું રહેશે.

જોબસીકર માટેની રજીસ્ટ્રેશન લીંક ભરવાની રહેશે

ભરતીમેળામાં ભાગ લેવા હેતુસર રોજગાર ઇચ્છુકોએ આધાર કાર્ડ તેમજ શૈક્ષણિક લાયકાતના તમામ દસ્તાવેજો સાથે અનુબંધમ પોર્ટલ પર જોબસીકર તરીકે નોંધણી કરી અનુબંધમ વેબપોર્ટલ પર જોબસીકર માટેની રજીસ્ટ્રેશન લીંક anubandham.gujarat.gov.in પરથી નોંધણી કરવાની રહેશે . નોંધણી થયા બાદ પોર્ટલ પર login કરીને પોર્ટલ પર જોબફેર મેનુમાં ક્લીક કરી જરૂરી વિગત ભર્યા બાદ જોબફેરમાં ભાગ લઈ શકાશે. વધુ માહિતી અને માર્ગદર્શન માટે કચેરી સમય દરમિયાન જિલ્લા રોજગાર વિનિમય કચેરી બોટાદનો સંપર્ક કરવા ઈ.ચા. જિલ્લા રોજગાર અધિકારી બોટાદ દ્વારા જણાવવામાં આવે છે.