જિલ્લા રોજગાર વિનિમય કચેરી-બોટાદ દ્વારા બોટાદ જિલ્લાનાં રોજગાર ઇચ્છુકોને રોજગારી પ્રાપ્ત થાય તેવાં હેતુસર ટોયોટા કંપની માટે ટ્રેઇની ઓપરેટરની જગ્યા માટે ૧૮ થી ૨૫ વર્ષની વયમર્યાદા તેમજ ધોરણ-૧૦ / ધોરણ-૧૨ પાસ / આઇટીઆઇ / ગ્રેજ્યુએટની લધુત્તમ શૈક્ષણિક લાયકાત ધરાવનાર માટે અનુબંધમ વેબપોર્ટલના માધ્યમથી ભરતીમેળો યોજાશે.


જોબસીકર માટેની રજીસ્ટ્રેશન લીંક ભરવાની રહેશે

ભરતીમેળામાં ભાગ લેવા રોજગાર ઇચ્છુકોએ જિલ્લા રોજગાર વિનિમય કચેરી, જિલ્લા સેવા સદન, ખસ રોડ, બોટાદ ખાતે તા.૧૮/૦૭/૨૦૨૫ના રોજ સવારે ૧૧:૦૦ કલાકે ઉપસ્થિત થવાનું રહેશે. પ્રસ્તુત ભરતીમેળામાં ભાગ લેવા હેતુસર રોજગાર ઇચ્છુકોએ આધાર કાર્ડ તેમજ શૈક્ષણિક લાયકાતના તમામ દસ્તાવેજો સાથે અનુબંધમ પોર્ટલ પર જોબસીકર તરીકે નોંધણી કરી અનુંબંધમ વેબપોર્ટલ પર જોબસીકર માટેની રજીસ્ટ્રેશન લીંક https://anubandham.gujarat.gov.in/ પરથી નોંધણી કરવાની રહેશે.

Also Read

રોજગાર વિનિમય કચેરી બોટાદનો પણ કરી શકાશે સંપર્ક

નોંધણી થયાં બાદ પોર્ટલ પર login કરીને પોર્ટલ પર જોબફેર મેનુમાં ક્લીક કરી જરૂરી વિગત ભર્યા બાદ જોબફેરમાં ભાગ લઈ શકાશે. વધુ માહિતી અને માર્ગદર્શન માટે કચેરી સમય દરમિયાન જિલ્લા રોજગાર વિનિમય કચેરી બોટાદનો સંપર્ક કરવા ઈ.ચા. જિલ્લા રોજગાર અધિકારીશ્રી એન.જી.કુબાજી દ્વારા જણાવવામાં આવે છે.

  • Follow us on: