Botad News : SOG પોલીસે તાજપર ગામેથી ડિગ્રી વગરનો ડોક્ટરને ઝડપ્યો

બોટાદના તાજપરથી ડિગ્રી વગરનો ડૉક્ટર ઝડપાયો છે. ઘણી આવા ડિગ્રી વગરના ડમી ડૉક્ટરો ઝડપાતા હોય છે જે લોકોના આરોગ્ય સાથે ચેડા કરી રહ્યા છે. ડિગ્રી વગર પ્રેક્ટિસ કરતો હર્ષિત બાલા નામનો ડમી ડૉક્ટર ઝડપાયો છે. ભાડાના મકાનમાં ક્લિનિક ચલાવતો હતો. ડિગ્રી વગર છેલ્લાં ત્રણ વર્ષથી પ્રેક્ટિસ કરતો હતો. એલોપેથીક દવાના 41 હજારથી વધુના મુદ્દામાલ સાથે ડૉક્ટરની ધરપકડ કરવમાં આવી છે.

41 હજારથી વધુના મુદ્દામાલ સાથે ડૉક્ટરની ધરપકડ

બોટાદ SOG પોલીસે તાજપર ગામેથી ડિગ્રી વગરનો ડૉક્ટરને ઝડપ્યો છે. પશ્ચિમ બંગાળનો વતની અને તાજપર ગામે ડિગ્રી વગર પ્રેક્ટિસ કરતો હર્ષિતભાઈ હરીપતભાઈ બાલા ઝડપાયો છે. તાજપર ગામે પરા વિસ્તારમાં પ્રાથમિક શાળાની બાજુમાં ભાડાના મકાનમાં ક્લિનિકલ ચલાવતો હતો. SOG PI એમ.જી.જાડેજાએ તેમની ટીમ દ્વારા રેડ કરતા ડિગ્રી વગર છેલ્લાં ત્રણ વર્ષથી પ્રેક્ટિસ કરતો હોવાનું સામે આવ્યું છે. પોલીસે ક્લિનિકમાં તપાસ કરતા દવાની ટેબ્લેટ્સ, બાટલા, સીરીજ, નીડલ, સ્ટેથોસ્કૉડ, સફીગમોમેમો મીટર મળીને કુલ રૂ. 41,438નો મુદ્દામાલ કબ્જે કર્યો છે. પોલીસે ડિગ્રી વગરના ડમી ડૉક્ટરની ધરપકડ કરી વધુ તપાસ હાથ ધરી છે.

ડમી ડૉક્ટર ઝડપાયો

થોડા સમય પહેલા જ પંચમહાલના શહેરા તાલુકાના વાઘજીપુર ગામે SOG પોલીસની રેડમાં ડિગ્રી વગર દવાખાનું ચલાવતો એક તબીબ ઝડપાયો હતો. વાઘજીપુર ગામે આવેલા રાજ ક્લિનિકમાં એસઓજી પોલીસ દ્વારા તપાસ હાથ ધરવામાં આવી હતી. જેમાં Dhms ડિગ્રી ઉપર દવાખાનું ખોલીને એલોપેથીક સારવાર આપતો તબીબી પ્રેક્ટિસ કરતો ડૉક્ટર ઝડપાયો છે. લાયસન્સ વગર દવાખાનામાં રૂપિયા 1,31,079 ની એલોપેથીક દવાઓ મળી આવી હતી.