Gadhada તાલુકામાં ધોધમાર વરસાદ, ભારે વરસાદથી કોઝવે પર પાણી ફરી વળતા રસ્તાઓ બંધ થયા

બોટાદના ગઢડા તાલુકામાં ધોધમાર વરસાદ ખાબક્યો છે. ભારે વરસાદથી કોઝવે પર પાણી ફરી વળતા રસ્તો બંધ થયો છે. લાખણકા, અડતાળા, ખોપાળા, વિરડી, ઉગામેડી, વનાળી, ગામે મુશળધાર વરસાદ પડ્યો છે. ભારે વરસાદથી ખેતરોમાં પાણી ભરાયા છે. ધોધમાર વરસાદથી નદી નાળા, ચેકડેમ છલકાયા છે.

ગઢડા તાલુકામાં ધોધમાર વરસાદ ખાવક્યો છે. ભારે વરસાદના પગલે ઠેર ઠેર પાણી ભરાય ગયા છે. ધોધમાર વરસાદ પડતા ખોપાળાથી વિરડી જવાના રસ્તે કોઝવે પર પાણી ફરી વળતા રસ્તો બંધ થયો છે. ગઢડા તાલુકાના ગ્રામ્ય વિસ્તારોમાં ધોધમાર વરસાદ પડ્યો છે.

વર્ષે કુલ સરેરાશ વરસાદ 53.39 ટકા વરસાદ

ગુજરાતમાં ચાલુ વર્ષે કુલ સરેરાશ વરસાદ 53.39 ટકા નોંધાયો છે. સૌથી વધુ કચ્છ રીઝીયનમાં 63.35 ટકા ત્યારબાદ દક્ષિણ ગુજરાત રીઝીયનમાં 56.32 ટકા, ઉત્તર ગુજરાત અને સૌરાષ્ટ્ર વિસ્તારમાં 52 ટકાથી વધુ અને પૂર્વ-મધ્ય ગુજરાતમાં 50.06 ટકા સરેરાશ વરસાદ નોંધાયો છે.