Porbandarનો 80 વર્ષ જુનો ડેક બ્રિજ GMB દ્વારા મોટા વાહનો માટે બંધ, માછીમારોને હાલાકી

પોરબંદર GMB નિંદ્રા માંથી જાગ્યું છે. પોરબંદરના લાકડીબંદર નજીક આવેલ ડેક બ્રિજ (પુલ) જર્જરીત હાલતમાં હોવાના કારણે બંધ કરવામાં આવ્યો છે. અંદાજિત 80 વર્ષ જુનો ડેક બ્રિજ (પુલ) જર્જરીત હાલતમાં હોવાના કારણે GMB દ્વારા મોટા વાહનો ચલાવવા પર પ્રતિબંધ લગાવી બેરીકેટ મુકવામાં આવ્યા છે. પાદરા ગંભીરા બ્રિજની ઘટના બાદ સરકાર દ્વારા કડક વલણ અપનાવવામાં આવ્યું છે.

લાકડીબંદર નજીક આવેલ ડેક બ્રિજ  જર્જરીત 

આ અંદાજિત બ્રિજ 80 વર્ષ જુનો ડેક બ્રિજ (પુલ) જર્જરીત હાલતમાં હોવાના કારણે GMB દ્વારા મોટા વાહનો ચલાવવા પર પ્રતિબંધ લગાવી બેરીકેટ મુકવામાં આવતા માછીમારો દ્વારા પુલ પર જઇ ધારાસભ્યને ટેલિફોનિક રજુઆત કરવામાં આવી હતી. પુલના સમારકામ માટે અગાઉ પણ માછીમારો દ્વારા રજૂઆતો કરવામાં આવી હતી GMB દ્વારા કોન્ટ્રાક્ટ પણ આપવામાં આવ્યો હતો પરંતુ સરકારી મંજૂરીઓના અભાવના કારણે કામ રદ કરવામાં આવ્યું છે.

 GMB દ્વારા મોટા વાહનો ચલાવવા પર પ્રતિબંધ

માછીમારી ઉદ્યોગને ધમધમતો રાખતા આ ડેક બ્રિજ (પુલ) નું વૈકલ્પિક બ્રિજ બનાવી આપવા માછીમારો દ્વારા અગાઉ માંગ કરવામાં આવી હતી, આગામી દિવસોમાં ડેક બ્રિજનું સમારકામ નહીં થાય અથવા વૈકલ્પિક બ્રિજ નહીં બનાવમાં આવે તો પોરબંદર બોટ એસોસિયેશનના પ્રમુખ મુકેશ પાંજરી દ્વારા ઉગ્ર આંદોલન કરવાની ચીમકી આપવામાં આવી છે. હાલ તો પોરબંદર GMB દ્વારા ડેક બ્રિજ (પુલ) સ્ટેબિલિટી સર્ટિફિકેટ માટે ગાંધીનગર દરખાસ્ત કરવામાં આવી છે.