છોટાઉદેપુર જીલ્લામાં વિકાસની વાતાનો દાવા પોકળ સાબિત થયાની ઘટના સામે આવી છે. છોટઉદેપુરમાં પ્રસૂતા મહિલાને ઝોળીમાં ઊંચકી 5 કિમી દૂર લઈ જવાઈ. પરિવારના લોકોએ મહિલાને ઝોળીમાં ઉચકી 108 સુધી લઈ ગયા. 108 કેમ પ્રસૂતા મહિલાના ઘર સુધી પહોંચી ના શકી તેને લઈને જરૂર અચરજ થાય છે. સાથે સવાલ પણ થાય છે કે ગગનભેદવાનો સંકલ્પ કરનારા ધરતી પરની સામાન્ય જરૂરિયાતો પૂર્ણ કરવામાં કેમ અસફળ થયા. આ તે કેવો વિકાસ ? જયાં પ્રસૂતા મહિલાને ઝોળીમાં ઊંચકીને કેમ લઈ જવી પડી ?
પ્રસૂતાને ઝોળીમાં એમ્બ્યુલન્સ સુધી લઈ જવાઈ
ગુજરાતા વિકાસ મોડલની દુનિયાભરમાં વાતો થાય છે. ત્યારે છોટાઉદેપુર જેવી ઘટનાઓ બતાવે છે કે વિકાસ ફક્ત ચોક્કસ લોકોનો અને ચોક્કસ વિસ્તારનો જ થયો છે. પ્રસૂતા મહિલાને ઝોળીમાં લઈ જવાની ઘટના કવાંટ તાલુકાના આંબા ડુંગર ગામની છે. આ ગામમાં માનુકળા ફળિયામાં રહેતી પ્રસૂતાને ગઈકાલે અચાનક પીડા ઉપડી. પરીવારના સભ્યોએ તાત્કાલિક હોસ્પિટલમાં ડોક્ટરનો સંપર્ક કર્યો. અને હોસ્પિટલ સત્તાવાળાઓએ 108 એમ્બ્યુલન્સ ત્યાં મોકલી. પરંતુ અંતરિયાળ વિસ્તારના રસ્તા એટલી હદે ખરાબ હતા કે ત્યાં 108 જઈ શકે તેમ નહોતી. એટલે 108 એમ્બ્યુલન્સ સુધી પહોંચાડવા પ્રસૂતાને તેના પરીવારના સભ્યો દ્વારા ચાદરની મોટી ઝોળી બનાવીને લઈ જવામાં આવી.
