ગુજરાતમાં બેફામ પણે દારૂની હેરાફેરીની ઘટનાઓ સામે આવી રહી છે. અમદાવાદના ધોળકામાંથી 2.27 કરોડ રૂપિયાની કિંમતનો દારુ ઝડપાયો છે. વટામણ- બગોદરા હાઈવે પર એલસીબીની ટીમે ટ્ર્કમાં ભરેલા વિદેશી દારૂનો જથ્થો પકડી પાડ્યો છે. ટ્રકમાંથી વિદેશી દારૂની 15552 બોટલો મળી આવી છે. પોલીસે એક આરોપીની ધરપકડ કરી છે. જ્યારે બે આરોપીઓ વોન્ટેડ જાહેર કરાયા છે. વિદેશી દારુ સહિત કૂલ 2.27 કરોડનો મુદ્દામાલ જપ્ત કરવામાં આવ્યો છે.
કોઠ પોલીસ સ્ટેશનમાં ગુનો દાખલ કરાયો
અમદાવાદના ધોળકામાં પોલીસ દ્વારા બુટલેગરો પર તવાઈ બોલાવવામાં આવી છે. પોલીસે 2.27 કરોડના દારૂના જથ્થા સાથે વાહન પણ જપ્ત કર્યું છે. અમદાવાદ લોકલ ક્રાઈમ બ્રાન્ચ દ્વારા એક મોટી રેડ પાડવામાં આવી હતી. પોલીસે વટામણ હાઈવે પર આવેલા રાયપુર પાટીયા નજીકથી મોટી માત્રામાં દારૂનો જથ્થો ઝડપી પાડ્યો છે. આ ઘટનામાં કોઠ પોલીસ સ્ટેશનમાં ગુનો દાખલ કરાયો છે.
