અમદાવાદમાં ફરી લૂંટની ઘટના બની છે, દલાલ આંગડિયામાંથી પૈસા લઇને જતા લૂંટાયો હતો અને વોટર ડિસ્ટ્રીબ્યુશન સેન્ટર પાસે લૂંટની ઘટનાને અંજામ આપ્યો છે, આરોપીઓએ ફરિયાદીને રોકી બોલાચાલી કરી હતી અને બોલાચાલી બાદ કારની ચાવી રોડ પર ફેંકી હતી, ફરિયાદી ચાવી લેવા જતા અન્ય બે વ્યક્તિએ લૂંટ કરી હતી.
ફરિયાદી વેપારના કામે રૂપિયા વટવા લઇ જતો હતો
અમદાવાદના શહેરકોટડામાં 18 લાખની લૂંટની ઘટના બની છે, સરા જાહેર રોડ પર લૂંટની ઘટના બની છે, જેમાં વંદે માતરમ્ પાર્ટી પ્લોટ પાસે આવેલ વોટર ડિસ્ટ્રીબ્યુશન સેન્ટર પાસે આ ઘટના બની હતી, ફરિયાદી સીજી રોડથી આંગડીયામાં રૂપિયા લઈને આવતો હતો અને તે દરમિયાન આ ઘટના બની હોવાની વાત સામે આવી છે, આરોપીએ બાઇક આગળ રોકી બોલાચાલી શરૂ કરી હતી.
