અમદાવાદના ગોતા વિસ્તારમાં રહેતા એક યુવક સાથે હાઉસિંગ બોર્ડનું મકાન ફાળવવાના બહાને 25.50 લાખ રૂપિયાની છેતરપિંડી આચરવામાં આવી હોવાનો કિસ્સો સામે આવ્યો છે. ઠગબાજોએ યુવકને બનાવટી રસીદો અને મકાન ફાળવણીના ખોટા સર્ટિફિકેટ બતાવીને વિશ્વાસમાં લઇ રૂપિયા પડાવ્યા હતા.


ગોતાના એક યુવક સાથે ઠગાઈ

મળતી જાણકારી અનુસાર, ગોતાના યુવકને આરોપીઓએ ગુજરાત હાઉસિંગ બોર્ડ હેઠળના મકાનની ફાળવણી કરાવી આપવાની લાલચ આપી હતી. આ માટે, આરોપીઓએ યુવક પાસેથી તબક્કાવાર કુલ 25.50 લાખ રૂપિયા પડાવ્યા હતા. ઠગાઈ આચરવા માટે, આરોપીઓએ હાઉસિંગ બોર્ડની બનાવટી રસીદો તેમજ મકાન ફાળવણીના નકલી સર્ટિફિકેટ પણ બનાવ્યા હતા, જેથી યુવકને તેમના પર વિશ્વાસ બેસી જાય. આ મામલે પૂર્વ શાહ સહિત ત્રણ આરોપીઓ વિરુદ્ધ આર્થિક ગુના નિવારણ શાખા (EOW) માં ફરિયાદ નોંધવામાં આવી છે.

Also Read

ત્રણ આરોપીઓ વિરુદ્ધ ફરિયાદ

જોકે, સમય વિતતા અને મકાનની ફાળવણી ન થતા યુવકને શંકા ગઈ હતી. તેણે આ અંગે તપાસ કરતા તેને ખબર પડી કે તેની સાથે છેતરપિંડી થઇ છે. આથી, તેણે તાત્કાલિક અમદાવાદ પોલીસની આર્થિક ગુના નિવારણ શાખાનો સંપર્ક કર્યો અને પૂર્વ શાહ સહિત ત્રણ આરોપીઓ વિરુદ્ધ છેતરપિંડી અને વિશ્વાસઘાતનો ગુનો દખક કરાવ્યો છે. આ સિવાય આર્થિક ગુના નિવારણ શખાએ આ મામલે તપાસ હાથ ધરી છે અને આરોપીઓને ઝડપી પાડવા કાર્યવાહી શરૂ કરી છે.


  • Follow us on: