અમદાવાદમાં બોગસ પાસપોર્ટ સાથે મુસાફર ઝડપાયો છે. બનાવટી પાસપોર્ટના આધારે અમેરિકાથી પરત આવેલો મુસાફર ઝડપાયો છે. રૂપિયા 40 લાખમાં એજન્ટ મારફતે આ વ્યક્તિએ બનાવટી પાસપોર્ટ બનાવ્યો હતો અને જે પાસપોર્ટના આધારે વર્ષ 2007માં બેંગકોક પહોંચ્યો હતો.


ભારતીય દૂતાવાસ પાસેથી ઈમરજન્સી સર્ટિ મળ્યું હતું

ત્યારબાદ વર્ષો સુધી અમેરિકામાં રહીને અંતે પાસપોર્ટ ખોવાઈ જવા અંગે ભારતીય દૂતાવાસને રજૂઆત કરી હતી. તે પછી ભારતીય દૂતાવાસ પાસેથી ઈમરજન્સી સર્ટિફિકેટ મેળવીને અમદાવાદ આવ્યો હતો. મેક્સિકોથી અમદાવાદ આંતરરાષ્ટ્રીય એરપોર્ટ પહોંચ્યા બાદ ઈમિગ્રેશનની ટીમે આ વ્યક્તિ પર શંકા જતા પકડ્યો હતો. તેની વધુ તપાસ કરતા ઈમિગ્રેશનની ટીમને જાણવા મળ્યું કે મૂળ મહેસાણાના કનૈયાલાલ પટેલ નામનો મુસાફર બનાવટી પાસપોર્ટના આધારે અમેરિકામાં વર્ષો સુધી રહ્યો હતો. હાલમાં આ સમગ્ર મામલે ઈમિગ્રેશન વિભાગે એરપોર્ટ પોલીસ મથકે ફરિયાદ નોંધાવી છે.

Also Read

12 જુલાઈએ પણ બોગસ પાસપોર્ટ મામલે 3 લોકો સામે નોંધાઈ હતી ફરિયાદ

તમને જણાવી દઈએ કે અગાઉ 12 જુલાઈએ પણ અમદાવાદમાં બોગસ પાસપોર્ટ મામલે ફરિયાદ નોંધાઈ હતી. મુસાફર અને 2 એજન્ટો સામે પોલીસ ફરિયાદ નોંધાઈ હતી. રૂપિયા 15 લાખમાં આરોપીએ ડુપ્લીકેટ પાસપોર્ટ બનાવી જર્મનીમાં મુસાફરી કરી હતી. જર્મની પહોંચ્યા બાદ આરોપીએ ઈન્ડિયન એમ્બેસીમાં પાસપોર્ટ ખોવાઈ ગયાની જાહેરાત કરી હતી અને ઈમરજન્સી પાસપોર્ટ બનાવી પરત આવેલા મુસાફરની પૂછપરછમાં ડુપ્લીકેટ પાસપોર્ટના આધારે મુસાફરી કરી હોવાનું ખુલતા ફરિયાદ નોંધાઈ હતી. એરપોર્ટ પોલીસે મુસાફર પ્રકાશ દવે સહિત 2 એજન્ટો સામે ફરિયાદ નોંધી કાર્યવાહી હાથ ધરી હતી. 

  • Follow us on: