અમદાવાદ શહેરમાં SOG દ્વારા ગાંજાના વેચાણ કરતી એક મહિલાની ધરપકડ કરવામાં આવી છે.માણસની મજબૂરી તેની પાસે કોઈપણ ગેરકાનૂની કામ પણ કરાવતી હોય છે. આવો જ એક કિસ્સો સામે આવ્યો છે. SOGએ બાતમી આધારે કુબેરનગર ખાતેથી ગાંજાનું વેચાણ કરી મહિલા આરોપી નિશા સબરિયાની ધરપકડ કરી છે. તેની પાસે થી 6 કિલો ગાંજાનો જથ્થો પણ કબ્જે કર્યો છે.


શહેરમાં SOG દ્વારા ગાંજાના વેચાણ કરતી મહિલાની ધરપકડ 

Also Read

પોલીસ પુછપરછ દરમિયાન આરોપી એ કબૂલાત કરી છે કે તેની કિડની ખરાબ છે. તેનો પતિ શારીરિક દિવ્યાંગ છે. જેથી પૈસાની જરૂરિયાત હતી તેથી તેની મજબૂરીના કારણે તેણે ગાંજાનું વેચાણ શરૂ કર્યું હતું. આરોપીએ કબૂલાત કરી છે કે રુક્ષાના નામની મહિલા તેને દરરોજ ગાંજો આપી જાતિ હતી. તેની નિશા અલગ અલગ 2 પ્રકારની પડીકી બનાવી વેચાણ કરતી હતી.

મજબૂરીના કારણે ગાંજાનું વેચાણ શરૂ કર્યું 

આરોપી મહિલા નાની પડીકી 50 અને મોટી પડીકી 100 રૂપિયામાં વેચાણ કરતી તેમાં તેને 20 ટકા કમિશન મળતું હતું. હાલ પોલીસે વોન્ટેડ આરોપી રુક્ષાનાની શોધખોળ શરૂ કરી છે. પોલીસે પકડાયેલી મહિલા સાથે મુદ્દામાલ કબ્જે કરી આગળની કાર્યવાહી હાથ ધરી છે.


  • Follow us on: