Ahmedabad: મેઘાણીનગરમાં ફાયરિંગ કરતો વીડિયો સોશિયલ મીડિયામાં વાયરલ, બોગસ લાયસન્સથી ફાયરિંગ કર્યું હોવાની ચર્ચા

અમદાવાદના મેઘાણીનગરમાં ફાયરિંગની ઘટના સામે આવી છે. શહેરમાં ફાયરિંગ કરતો વીડિયો સોશિયલ મીડિયામાં વાયરલ થઈ રહ્યો છે. ફાયરિંગ કરનાર વિજય સેંગરનો હોવાની આશંકા વ્યક્ત કરવામાં આવી રહી છે. બોગસ લાયસન્સથી ફાયરિંગ કરી હોવાની ચર્ચાએ જોર પકડ્યું છે. વાયરલ વીડિયો મામલે પોલીસે તપાસ શરૂ કરી છે.

 મેઘાણીનગરમાં ફાયરિંગની ઘટના

મેઘાણીનગરમાં ફાયરિંગની ઘટના સામે આવી છે. લોકો અવાર નવાર સોશિયલ મીડિયામાં વાયરલ થવા અને લોકોમાં રોફ જામામવા વીડિયો બનાવતા હોય છે. તેવામાં શહેરના મેઘાણી નગરમાં ફાયરિંગની ઘટના સામે આવતા આ મામલે પોલીસે તપાસ શરૂ કરી છે. શહેરમાં થોડા સમય પહેલા અસામાજિક તત્વોને ડામવા પોલીસ દ્વારા કાર્યવાહી કરવામાં આવી હતી.

બોગસ લાયસન્સથી ફાયરિંગ કરી હોવાની ચર્ચા

શહેરમાં થોડા સમય પહેલા હથિયારોના બોગસ લાયસન્સના આધારે હથિયાર મેળવવાના મોટા રેકેટનો હાલમાં જ ગુજરાત પોલીસે પર્દાફાશ કર્યો હતો. તેવામાં બોગસ લાયસન્સથી ફાયરિંગ કરી હોવાની ચર્ચાએ જોર પકડ્યું છે. શહેરના મેઘાણી નગરમાં ફાયરિંગની ઘટના સામે આવતા આ મામલે પોલીસે તપાસ શરૂ કરી છે.