Amreli : બાબરા તાલુકાના નડાળા ગામે કુળદેવી સયડ માતાના મઢમાં ચોરી થતા ખળભળાટ, પોલીસે શરુ કરી તપાસ

અમરેલી જિલ્લાના બાબરા તાલુકાના નડાળા ગામે કુળદેવી સયડ માતાના મઢમાં ચોરી થતા ખળભળાટ મચી ગયો છે. તસ્કરોએ 50 હજારની મતાની ચોરી કરી હતી.

કુળદેવી સયડ માતાના મઢમાં ચોરી

નડાળા ગામે આવેલ બકોતરા પરીવારની કુળદેવી સયડ માતાના મઢમાં રાત્રીના સમયે અજાણ્યા ત્રણ ચોરોએ તાળું તોડી અંદર પ્રવેશ કરી ચોરીની ઘટનાને અંજામ આપ્યો હતો.

 50 હજારના મુદ્દામાલની ચોરી

ચોરોએ મઢમાં રાખેલ આશરે 20 થી 25 ચાંદીના સત્તર (કિંમત રૂ. ૩૦,૦૦૦/-) તથા દાનપેટીમાં રહેલ રૂ. ૨૦,૦૦૦/- રોકડ મળી કુલ રૂ. 50 હજાર નો મુદ્દામાલ ચોરી કરી ફરાર થઈ ગયા હતા.

 ફૂટેજમાં ત્રણ અજાણ્યા શખ્સો દેખાયા

 સીસીટીવી ફૂટેજમાં ત્રણ અજાણ્યા શખ્સો રાત્રીના 2.35 થી 3.01 વાગ્યા દરમિયાન મઢમાં પ્રવેશ કરતાં દેખાયા હતા. ઘટનાની જાણ થતાં બાબરા પોલીસ મથકે કમલેશભાઈ લાભુભાઈ બકોતરાએ ફરિયાદ નોંધાવી છે. પોલીસ દ્વારા આગળની તપાસ હાથ ધરવામાં આવી છે.