Bharuch News : ભરૂચના વાલિયામાં 6 શકુનીઓ જુગાર રમતા ઝડપાયા, ભાજપના નેતા ફતેસિંહ વસાવા પણ રમતા હતા જુગાર

ભરૂચના વાલિયામાં જુગાર રમતા લોકોને પોલીસે ઝડપી પાડયા છે. એક ફાર્મ હાઉસમાં 6 લોકો જુગાર રમતા હતા અને પોલીસને બાતમી મળી હતી અને તે બાતમીના આધારે ઝડપી પાડયા છે, ભરૂચ ભાજપના નેતા ફતેહસિંહ વસાવા પણ જુગાર રમતા હતો, પોલીસે કોઈ પણ ભલામણ રાખ્યા વિના જુગાર અંતર્ગત ગુનો નોંધ્યો છે.

ભરુચના વાલિયામાં જુગારધામ ઝડપાયું

ભરૂચના વાલિયામાં ફાર્મ હાઉસમાં જુગાર રમતા 6 શકુની ઝડપાયા છે, ગત વિધાનસભાના કોંગ્રેસના ઉમેદવાર ઝડપાયા અને હાલમાં ભાજપ રહેલ ફતેસિંહ વસાવા પણ જુગાર રમતા ઝડપાયા છે, પોલીસે કુલ 10 લાખથી વધુનો મુદ્દામાલ કબ્જે કર્યો છે અને કાર્યવાહી કરી છે, હાલમાં તમામ લોકોને જામીન પર છોડી દેવામાં આવ્યા છે. એસ.આર.પીનો પોલીસકર્મી પણ જુગાર રમતા ઝડપાયો છે.

ભરૂચ ક્રાઈમ બ્રાન્ચને મળી હતી બાતમી

ભરૂચ ક્રાઈમ બ્રાન્ચે રોકડા રૂપિયા ૩.૨૩ લાખ મળી ૧૦ લાખથી વધુનો મુદ્દામાલ કર્યો કબ્જે અને કામગીરી કરી છે, પોલીસને બાતમી મળી હતી અને બાતમીના આધારે જુગાર રમતા ઝડપ્યા છે, જે ફાર્મ હાઉસમાં જુગાર રમાતો હતા તેના માલિકની પણ પૂછપરછ શરૂ કરી છે, હજી પત્તાનું બોર્ડ શરૂ થાય તે પહેલા જ ધરપકડ કરવામાં આવી છે, પોલીસે આ સમગ્ર ઘટનામાં વાહનો પણ જપ્ત કર્યા છે અને છેલ્લા કેટલા સમયથી ફાર્મ હાઉસમાં જુગાર રમતા હતા તે દિશામાં તપાસ શરૂ કરવામાં આવી છે.