ગુજરાતમા લાંચ માંગતા અધિકારીઓ અને કર્મચારીઓેને પકડી પાડવા માટે ACB સક્રિય થઈ ગઈ છે. વડોદરામાં શિક્ષકો અને સરકારી અધિકારી બે હજારની લાંચ લેતા રંગેહાથે ઝડપાઈ જતાં ખળભળાટ મચી જવા પામ્યો છે. જે શિક્ષકો નાના ભૂલકાઓને સંસ્કારના પાઠ શિખવતા હોય છે તે જ શિક્ષકો હવે લાંચ લેતા પકડાઈ ગયાં છે. ACBએ પાંચ આરોપીની ધરપકડ કરી તપાસ હાથ ધરી છે.


ડભોઈના વસઈની શાળામાં ઓડિટ માટે માગી હતી લાંચ

પ્રાપ્ત વિગતો પ્રમાણે વડોદરા જિલ્લાના ડભોઈના વસઈની સરકારી શાળામાં ઓડિટ માટે સરકારી ઓડિટર જયશ્રી સોલંકી આવ્યા હતા. 2021-22ના વર્ષનું ઓડિટ કરવામાં આવ્યું હતું. જેનો રિપોર્ટ આવવાનો બાકી હતો. તેઓએ ઓડિટર ને 40 હજાર આપવાનું કહ્યું હતું. જેમાં 20 સ્કૂલો માટે આચાર્ય દીઠ 2 હજાર આપવાનું નક્કી કરવામાં આવ્યું હતું. ફરિયાદી આચાર્ય લાંચ આપવા માંગતા નહીં હોવાથી તેમણે ACBનો સંપર્ક કર્યો હતો.

Also Read

ACBએ પાંચ આરોપીની ધરપકડ કરી તપાસ હાથ ધરી

ફરિયાદ બાદ ACBએ લાંચિયાઓને પકડી પાડવા માટે છટકું ગોઠવ્યું હતું. આ છટકા દરમિયાન એસીબીએ ચાર શિક્ષકો અને એક સરકારી અધિકારીને લાંચ લેતા રંગેહાથે ઝડપી પાડ્યા હતાં. જેમાં વસઈ પ્રાથમિક શાળા ડભોઈના આચાર્ય ઘનશ્યામ પટેલ , નિવૃત શિક્ષક બુદ્ધિસાગર પટેલ, ડભોઈની ખૂંધીયાપુરા પ્રા.શાળાના આચાર્ય મહેન્દ્રસિંહ સોલંકી, નિવૃત શિક્ષક મુકુંદ ચૌહાણ અને સરકારી ઓડિટર જયશ્રી સોલંકીની ધરપકડ કરાઈ હતી.


  • Follow us on: