જૂનાગઢના માંગરોળમાં ખાણ અને ખનીજ વિભાગના દરોડાને કારણે ભૂમાફીયાઓમાં ફફડાટ ફેલાયો છે. માંગરોળના દિવાસા ગામે ગેરકાયદે ચાલતી ખાણો પર દરોડા પડતા ખળભળાટ મચી જવા પામ્યો છે. ખાણ ખનીજના દરોડા પડતા ભૂ માફિયાઓ ફરાર થઈ ગયા હતાં. વિભાગ દ્વારા સાધનો સાથે પથ્થર ભરેલી ટ્રક કબજે કરાઇ છે. મુદ્દામાલ કબજે કરી ખાણ ખનીજ વિભાગે સંતોષ માન્યો હતો.


જૂનાગઢના માંગરોળમાં ખાણ ખનીજના દરોડા

પ્રાપ્ત વિગતો પ્રમાણે જૂનાગઢના માંગરોળમાં દિવાસા ગામે ઘણા સમયથી ગેરકાયદે ખાણો ચાલતી હતી. બેફામ બનેલા ભૂમાફિયાઓ ખાણોમાં ખોદકામ કરી રહ્યા હતાં. આ બાબતની જાણ થતાં જ ખાણ અને ખનીજ વિભાગે દરોડા પાડ્યા હતાં. આ દરોડા પડતાં જ ભૂ માફિયાઓ ફરાર થઈ ગયા હતાં. ખાણ અને ખનીજ વિભાગે સાધનો અને પથ્થરો ભરેલી ટ્રકને કબજે કરી સંતોષ માન્યો હતો.

Also Read

દિવાસા ગામે ગેરકાયદે ચાલતી હતી ખાણો પર રેડ

જૂનાગઢમાં શીલ, સાંગાવાડા, કુકસવાડા, ચોરવાડ સહિત અનેક વિસ્તારોમાં ગેરકાયદેસર ખાણો ચાલી રહી છે. આ ખાણોમાં ભૂમાફિયાઓ દ્વારા બેખૌફ બનીને ખનીજ ચોરી કરવામાં આવી રહી હતી. જેની જાણ થતાં જ ખાણ અને ખનીજ વિભાગ સક્રિય થયો હતો. વિભાગની સાથે ભૂમાફિયાઓને માહિતી પહોંચાડનારા પણ સક્રિય થયા હતાં. જેથી રેડ પડતાની સાથે જ ભૂ માફિયાઓ પણ ફરાર થઈ ગયા હતાં.


  • Follow us on: