મોરબીના પાનેલી પાસે પાણીના ખાડામાં ડૂબી જતાં ત્રણ બાળકોના મોત થયા છે, પાણીના ખાડા પાસે રમતી વખતે બે બાળકી અને એક બાળક ખાડામાં પડયા હતા અને આસપાસના લોકો બચાવા માટે દોડયા પણ તે પહેલા જ તેમનું મોત થયું છે, પ્રતિકા ઉં.5, ખુશ્બુ ઉં.4 અને કુલદીપ ઉં.6નું મોત થયું છે, માતા-પિતા આસપાસની ખાણમાં મજૂરી કરીને ગુજરાન ચલાવતા હોવાની વાત સામે આવી છે.
સિરાકમિક કારખાના બહાર બની ઘટના
મોરબીના પાનોલી રોડની બહાર સિરામિકનું કારખાનું આવેલું છે અને આ કારખાનાની બહાર 3 બાળકો રમી રહ્યાં હતા અને અચાનક પાણી ભરેલા ખાડામાં પડયા અને તેમનું મોત થયું છે, બે સગા ભાઈ-બહેન સહિત 3 લોકોના મોત થતા પરિવારમાં આક્રંદ જોવા મળ્યો છે, બાળકો ખાડામાં પડી ગયા અને મોત થયું ત્યારબાદ લોકોને જાણ થઈ હતી, મોરબી પાલિકાના ભોગે બાળકોનો જીવ ગયો હોવાની વાત લોકમુખે ચાલી રહી છે, આ ખાડા હતા એટલે બાળકો પડયા અને મોત થયુ છે.
