રંગીલું રાજકોટ દિવાળીના પર્વની ઉજવણીમાં વ્યસ્ત હતું ત્યારે શહેરના એક પોશ વિસ્તાર સ્વાતિ પાર્કમાં અસામાજિક તત્વોએ બેફામ બનીને ભારે આતંક મચાવ્યો હતો. આ તત્વોએ મચાવેલા હોબાળા અને તોડફોડની સમગ્ર ઘટનાના CCTV ફૂટેજ સામે આવ્યા છે. જેના કારણે શહેરમાં કાયદો અને વ્યવસ્થાની પરિસ્થિતિ પર ગંભીર સવાલો ઊભા થયા છે. ઘટના દિવાળીની રાત્રે બની હતી. જ્યારે મોટાભાગના લોકો તહેવારની ઉજવણીમાં મશગૂલ હતા.
દિવાળીની રાતે સ્વાતિ પાર્કમાં મચાવ્યો આતંક
આ અસામાજિક તત્વોએ ભેગા મળીને સોસાયટીમાં તોડફોડ કરી હતી અને મોટેથી બૂમરાણ મચાવીને ભયનો માહોલ પેદા કર્યો હતો. આ તત્વોની ગુંડાગીરીથી સ્વાતિ પાર્કના રહેવાસીઓ ભારે ડર અને ચિંતામાં મુકાયા હતા. CCTV ફૂટેજમાં સ્પષ્ટપણે જોઈ શકાય છે કે આ તત્વો કેવી રીતે બેફામ બનીને સોસાયટીમાં ઘૂસ્યા હતા અને જાહેર મિલકતોને નુકસાન પહોંચાડ્યું હતું. આ ઘટના બાદ સ્થાનિક રહેવાસીઓએ પોલીસને જાણ કરી હતી અને ન્યાયની માંગ કરી હતી.
