Jam Khambhaliya : જાત્રા કરવાના નામે ભેજાબાજ 59 લોકો પાસેથી 2.36 લાખ પડાવી ફરાર, સતવારા સમાજમાં રોષ

જામ ખંભાળિયામાં એક ભેજાબાજ લોકો પાસેથી જાત્રા કરાવાના નામે પૈસા પડાવી રફૂચક્કર થઇ ગયો હતો. આ ભેજાબાજ ઠગે લોકો પાસેથી જાત્રા કરવાના નામે 2.36 લાખ ઉઘરાવ્યા હતા

 59 લોકો સાથે ઠગે જાત્રા કરાવાના નામે છેતરપિંડી કરી

જામ ખંભાળિયામાં 59 લોકો સાથે ઠગે જાત્રા કરાવાના નામે છેતરપિંડી કરી છે. લોકોને જાત્રા કરવાના નામે 2.36 લાખની છેતરપિંડી કરવામાં આવી છે.

માત્ર 4 હજારમાં જાત્રા થશે તેવી લાલચ આપી

આ ભેજાબાજે લોકોને માત્ર 4 હજારમાં જાત્રા થશે તેવી લાલચ આપી હતી અને બાકીના પૈસા સરકાર ચુકવશે તેમ જણાવ્યું હતું જેથી સસ્તામાં જાત્રા કરવા મળશે તેવી લાલચમાં લોકો આવી ગયા હતા.

લોકો રાહ જોઇને બેસી રહ્યા

ઠગે સતવારા સમાજના લોકોને માત્ર 4 હજારમાં જ 28 દિવસની જાત્રાનું આશ્વાસન આપ્યું હતું. જાત્રાની તારીખ આવતા લોકો સામાન સાથે તૈયાર રહીને બસની રાહ જોઇ રહ્યા હતા પણ બસ કે આયોજક કોઇ આવ્યું ન હતું. લોકોએ વારંવાર ઠગને ફોન કર્યા હતા પણ ફોન જ સ્વીચ આફ આવતો હતો. છેતરપિંડીનો ભોગ બનેલા લોકોએ પોલીસમાં ફરિયાદ કરી હતી. ઘટનાના પગલે સતવારા સમાજના લોકોમાં ભારે રોષ જોવા મળી રહ્યો છે.