Rajkot latest News: 100 રૂપિયાના દરની નકલી ચલણી નોટો વટાવવા જતાં પોરબંદરનો બોગસ પત્રકાર પકડાયો

ગુજરાતમાં અનેક વખત નકલી ચલણી નોટો વટાવતા શખ્સો પકડાઈ જતા હોવાના બનાવો પ્રકાશમાં આવે છે. રાજકોટમાં પોરબંદરનો એક નકલી પત્રકાર નકલી ચલણી નોટો વટાવતા પોલીસના હાથે પકડાઈ ગયો હતો. રાજકોટ એસઓજીએ નકલી ચલણી નોટો સાથે કહેવાતો કથિત પત્રકાર હિતેશ દેવડાને ઝડપી પાડ્યો હતો. તેની પાસેથી 100 રૂપિયાના દરની 17 નોટો જપ્ત કરી હતી.

ઘરેથી પ્રિન્ટર અને કટર સહિતનો મુદ્દામાલ જપ્ત

પ્રાપ્ત વિગતો પ્રમાણે રાજકોટ શહેરમાં પોરબંદરનો એક નકલી પત્રકારને પોલીસે નકલી ચલણી નોટો વટાવતા પકડી પાડ્યો છે. વાડી પ્લોટ વિસ્તારમાં રહેતા હિતેશ દેવડા નામનો નકલી પત્રકાર 100 રૂપિયાના દરની નકલી ચલણી નોટો સાથે ઝડપાઈ ગયો હતો. આરોપી નકલી નોટ તેના ઘરે જ છાપીને વટાવવા માટે નીકળ્યો હતો.પોલીસે હિતેશના ઘરેથી પ્રિન્ટર અને કટર સહિતનો મુદ્દામાલ કબ્જે કર્યો છે.

જાતે જ નકલી નોટ છાપીને વટાવવા જતા ઝડપાયો

SOG પોલીસે હિતેશની પૂછપરછ કરવા દરમિયાન અનેક ખુલાસા થયાં છે. આરોપી નકલી ચલણી નોટો ઘરે જ છાપતો હતો. ત્યાર બાદ તે બજારમાં જઈને વટાવતો હતો. પ્રિન્ટર સાથે ઓરિજિનલ નોટ રાખી નકલી નોટો છાપતો હતો. રાજકોટ અને પોરબંદરમાં 100ની નોટ છાપી વટાવતા હતો. આ નકલી પત્રકારને પોલીસે પકડીને વધુ કાર્યવાહી હાથ ધરી છે.