ગુજરાતમાં સ્કૂલો, એરપોર્ટ અને કોર્ટને બોમ્બથી ઉડાવી દેવાની ધમકીઓ મળી હતી. આ ઉપરાંત સરકારી કચેરીઓને પણ આ પ્રકારની ધમકીઓના ઈમેલ મળી ચૂક્યા છે. ત્યારે હવે ગોંડલ પ્રાંત અધિકારી કચેરીને પણ બોમ્બથી ઉડાવી દેવાની ધમકી આપવામાં આવી છે. આ ધમકીને પગલે પોલીસે ડોગ સ્કવોર્ડને સાથે રાખીને સમગ્ર પરિસરમાં ચેકિંગ હાથ ધર્યું હતું. આ દરમિયાન કોઈ શંકાસ્પદ વસ્તુ નહીં મળતાં પોલીસે રાહતનો શ્વાસ લધો હતો. કચેરીને મળેલા ઈ મેલમાં કોઈમ્બતૂર 1997 ઓપરેશનનો ઉલ્લેખ કર્યો હતો.
સુપર સ્ટાર અજિતકુમારને પણ નિશાન બનાવવાની ધમકી
ગોંડલ પ્રાંત અધિકારીની કચેરીને બોમ્બથી ઉડાવી દેવાની ધમકી ભર્યો મેઈલ મળ્યો હતો. ધમકીની જાણ થતાં જ પોલીસ કાફલો અને ડોગ સ્ક્વોડ ઘટના સ્થળે દોડી ગયા હતાં. સમગ્ર કચેરીમાં સઘન ચેકિંગ હાથ ધરવામાં આવ્યું હતું. પોલીસની તપાસમાં કોઈ શંકાસ્પદ વસ્તુ મળી નહોતી. કોર્ટને મળેલા ઈ મેલમાં કોઈમ્બતૂર 1997 ઓપરેશનનો ઉલ્લેખ કરાયો હતો. આ ઈમેલમાં સાઉથના સુપર સ્ટાર અજિતકુમારને પણ નિશાન બનાવવાની ધમકી અપાઈ હતી.
