સુરત શહેરમાં સંબંધોને શર્મસાર કરતી અને કાયદો-વ્યવસ્થા પર સવાલ ઉઠાવતી એક ગંભીર ઘટના સામે આવી છે. શહેરના કતારગામ વિસ્તારમાં કતારગામ-અમરોલી ચેક પોસ્ટ નજીક સામાન્ય બાબતે થયેલા ઝઘડામાં મિત્રોએ જ મિત્રની ઘાતકી હત્યા કરી નાખતા ખળભળાટ મચી ગયો છે. કતારગામ-અમરોલી ચેક પોસ્ટ નજીક રાત્રે યુવકોના એક જૂથ વચ્ચે કોઈ સામાન્ય બાબતને લઈને બોલાચાલી થઈ હતી. આ બોલાચાલી એટલી ઉગ્ર બની ગઈ કે વાત મારામારી સુધી પહોંચી.
કતારગામ અમરોલી ચેક પોસ્ટ નજીક હત્યા
ઝઘડા દરમિયાન અન્ય યુવકોએ તેમના જ મિત્ર પર બોથડ પદાર્થના સખત ઘા ઝીંક્યા હતા. જેના કારણે યુવક ગંભીર રીતે ઇજાગ્રસ્ત થયો હતો અને તેનું ઘટનાસ્થળે જ મોત નીપજ્યું હતું. હત્યાની આ ઘટનાની જાણ થતાં જ કતારગામ પોલીસ કાફલો તાત્કાલિક ઘટનાસ્થળે દોડી ગયો હતો. પોલીસે મૃતદેહનો કબજો મેળવીને પોસ્ટમોર્ટમ માટે ખસેડ્યો હતો અને હત્યારાઓને ઝડપી પાડવા માટે તપાસના ચક્રો ગતિમાન કર્યા હતા.
