Surat: પાંડેસરામાં 6 વર્ષના બાળકને પાણીપુરીના બહાને પાડોશી ઉપાડી ગયો, યુપી ભાગે તે પહેલાં જ પોલીસે ઝડપી લીધો

સુરતના પાંડેસરામાં 6 વર્ષના બાળકનું અપહરણ કરવાની ઘટના સામે આવી છે. અપહરણનો આરોપી નજીકમાં જ રહેતો હતો. આરોપી બાળકને યુપી લઈ જવાનો હતો. પોલીસે આરોપીને ગણતરીના કલાકોમાં ઝડપી લીધો હતો. પોલીસે બાળકને બચાવી પરિવારને સહીસલામત સોંપી દીધુ છે. આરોપીએ પાણીપુરી ખવડાવવા બહાને બાળકનું અપહરણ કર્યું હતું.

પાંડેસરામાં 6 વર્ષના બાળકનું અપહરણ 

પાંડેસરામાં 6 વર્ષના બાળકના ગુમ થવાની ઘટના સામે આવી હતી. ફરિયાદીએ પોતાનો દીકરો અરૂણ ગુમ હોવાની ફરિયાદ કરી હતી. બાળકો રમી રહ્યા હતા ત્યારે નજીકમાં રહેતા વ્યક્તિ બહાદુર પ્રભુ ગૌડ બાળકને પાણીપુરી ખવડાવવાના બહાને પોતાની સાથે લઈ ગયો હતો. આસપાસના વિસ્તારમાં શોધખોળ કરતા બાળકનો જોવા મળ્યો ન હતો. આ ઘટના મામલે પોલીસે તપાસ હાથ ધરી હતી. આરોપીના લગ્ન થઈ ગયા હતા. પરંતુ કોઈ સંતાન ન હોવાથી આરોપીએ બાળકનું અપહરણ કર્યું હતું અને બાળકને યુપી લઈ જઈને ઉછેરવાનો ઈરાદો હતો.

પોલીસે CCTVના આધારે બાળકને શોધી કાઢ્યું 

પોલીસે ફરિયાદના આધારે આરોપીની શોધખોળ હાથ ધરી હતી. પોલીસે CCTVના આધારે બાળકને શોધી કાઢ્યું છે. આરોપી બાળકને લઈને રેલવે મારફતે બાળકને પોતાના વતન લઈને જઈ રહ્યો હતો. પોલીસે તે વતન જવા નીકળે તે પહેલા સીસીટીવીના આ ઝડપી માસૂમ બાળકને પરિવારને સલામત રીતે પરત સોંપ્યું છે.