Surat: ઉમરા વિસ્તારમાં CISF જવાન પર ચપ્પુ વડે હુમલો કરનાર સ્નેચર ઝડપાયો, આરોપી સામે અગાઉ 13 ગુના નોંધાયેલા

ઉમરા વિસ્તારમાં CISF જવાન પર ચપ્પુ વડે હુમલો કરવાન મામલો સામે આવ્યો હતો. CISF સબ-ઇન્સ્પેક્ટરની બહાદુરીથી સ્નેચર ઝડપાયો હતો. ઉમરા પોલીસે હત્યાનો પ્રયાસ અને લૂંટની ફરિયાદ નોંધી ધરપકડ કરી છે. સ્નેચર પીરુખાન પઠાણની ધરપકડ કરી છે. આ આરોપી સામે અગાઉ 13 ગુના સ્નેચિંગના નોંધાયેલા છે. એક વખત પોલીસે પાસા પણ કર્યા હતા.

CISF જવાન પર ચપ્પુ વડે હુમલો 

આરોપી પકડાયા બાદ તેની પાસે ચોરીની બાઈક અને બે મોબાઈલ ફોન કબ્જે કર્યા છે. આરોપી સામે વધુ ત્રણ ગુના નોંધાયા છે. આ ઘટના સુરતમાં જિલ્લા પંચાયત ઓફિસ પાસે આવેલી CISF કોલોની નજીક બની હતી. સવારે મોર્નિંગ વોક પર નીકળેલા CISF જવાન જંગ બહાદુર પર મોબાઈલ સ્નેચરે ચપ્પુ વડે હુમલો કર્યો હતો. આ ઘટનામાં જંગ બહાદુર ઈજાગ્રસ્ત થયા હતા.એક મોબાઈલ સ્નેચરે તેમનો મોબાઈલ છીનવવાનો પ્રયાસ કર્યો હતો.

સ્નેચર પીરુખાન પઠાણની ધરપકડ 

જંગ બહાદુરે હિંમતભેર સ્નેચરને પકડી પાડતા સ્નેચરે તેના પર ચપ્પુ વડે હુમલો કર્યો હતો. આ હુમલો થતા જોઈને CISF ના સબ-ઇન્સ્પેક્ટર ગજેન્દ્રસિંહ મદદ માટે તાત્કાલિક દોડી આવ્યા હતા. મોબાઈલ સ્નેચર ભાગી છૂટવાનો પ્રયાસ કરી રહ્યો હતો, ત્યારે સબ-ઇન્સ્પેક્ટર ગજેન્દ્રસિંહે તેનો એક કિલોમીટર સુધી પીછો કર્યો હતો. તેમના વર્દી પર ચપ્પુ વાગતા વર્દી ફાટી ગઈ હતી. તેમ છતાં, ગજેન્દ્રસિંહે સ્નેચરને પકડીને પોલીસ હવાલે કર્યો હતો.