ગુજરાતમાં અકસ્માતના બનાવો સતત વધી રહ્યા છે. સુરતના ખટોદરામાં અકસ્માત થતાં એક બ્લોગરનું મોત નિપજ્યું છે. બાઈકના સ્ટીયરિંગ પરથી કાબુ ગુમાવતા ગમખ્વાર અકસ્માત થયો હતો. જેમા બ્લોગરનું ધડ અને માથુ અલગ થઈ ગયા હતાં. પાટીદાર પરિવારના એકના એક દીકરા 18 વર્ષિય બાઇકચાલક પ્રિન્સ પટેલનું મોત થતાં શોકનું મોજુ ફરી વળ્યુ છે.
સ્ટિયરિંગ પરથી કાબુ ગુમાવતા અકસ્માતનું અનુમાન
પ્રાપ્ત વિગતો પ્રમાણે સુરતના ખટોદરામાં પાટીદાર પરિવારના એકના એક દીકરા 18 વર્ષિય પ્રિન્સ પટેલ એક બ્લોગર છે. તે પોતાની બાઈક પર ફૂલ સ્પીડે જઈ રહ્યો હતો. આ દરમિયાન યુનિવર્સિટીથી ગ્રેટ લાઇનર બ્રિજ ઉતરતા તેણે સ્ટીયરીંગ પરથી કાબુ ગુમાવી દીધો હતો. જેના કારણે ગમખ્વાર અકસ્માત સર્જાયો હતો. આ અકસ્માતમાં યુવકનું ધડ અને માથુ અલગ થઈ ગયા હતાં.
