ગુજરાતમાં શેરબજારમાં રોકાણ કરાવવાના બહાને લોકોને છેતરતા ઠગો મોટા પ્રમાણમાં સક્રિય થયાં છે. સોશિયલ મીડિયામાં મોટા નફાની લાલચ દર્શાવતી જાહેરાતો આપીને લોકોને છેતરવામાં આવી રહ્યાં છે. ત્યારે સુરતમાં છેતરપિંડીનો એક અનોખો કિસ્સો પ્રકાશમાં આવ્યો છે. સુરતની ગ્રીન વોલ્ટ કંપનીની 100 લોકો સાથે ઠગાઇનો બનાવ સામે આવ્યો છે.


શેર બજારમાં રોકાણના નામે 52 કરોડની ઠગાઇ

પ્રાપ્ત વિગતો પ્રમાણે સુરતની ગ્રીન વોલ્ટ કંપની દ્વારા 100થી વધુ લોકો સાથે 52 કરોડથી વધુની ઠગાઈ આચરવામાં આવી છે. લોકોએ ટ્રેડિંગ માટે ગ્રીન વોલ્ટ કંપનીને ડિપોઝીટ પેટે રૂપિયા આપ્યા હતા. આ કંપનીના સંચાલક નિમિત્ત શાહ અને હિરેન જાદવ રાતોરાત રૂપિયા લઇને ફરાર થઈ ગયા હતાં. જેથી રોકાણકારોના પગ નીચેથી જમીન સરકી ગઈ હતી. કરોડો રૂપિયા લઈને ફરાર થઈ જનારા આરોપીઓ સામે કાર્યવાહી કરવા માગ કરવામાં આવી છે.

Also Read

રોકાણકારો પોલીસ કમિશનર કચેરીએ પહોંચ્યા

આ કંપનીમાં પૈસાનું રોકાણ કરનારા લોકો પોલીસ કમિશનર કચેરી પહોંચ્યા હતાં. જ્યાં તેમણે આખી હકિકત જણાવી હતી. લોકોએ કંપનીમાં રૂપિયા ડિપોઝિટ કર્યા હતા. 100થી વધુ લોકોના 52 કરોડ રૂપિયા લઈને આરોપીઓ રાતો રાત પલાયન થઈ જતાં રોકાણકારોને રોવાનો વારો આવ્યો હતો. પોલીસે રોકાણકારોની ફરિયાદના આધારે વધુ તપાસ હાથ ધરી છે.


  • Follow us on: