સુરતમાં અજીબોગરીબ બનાવ બન્યો છે. સુરતના અશ્વનીકુમાર વિસ્તારમાં એક બંધ મકાનમાં ચોરી કરવા માટે ઘુસેલો શખ્સ ગેલેરીમાં જ ફસાઇ ગયો હતો. લોકોએ તત્કાળ પોલીસને જાણ કરતા પોલીસ પણ પહોંચી હતી અને ચોરને સલામતરીતે ગેલેરીમાંથી ઉતારીને તેની અટકાયત કરી હતી.
ચોરી કરવા ગયેલો ચોર ફસાયો હોવાનો કિસ્સો
સુરતમાં ચોરી કરવા ગયેલો ચોર ફસાયો હોવાનો કિસ્સો બન્યો છે. આ ચોર બંધ મકાનમાં ચોરી કરવા ગયો હતો પણ એક મહિલાની નજર પડી જતાં તેણે બુમાબુમ કરી હતી. મહિલાએ બુમો પાડતા ચોરે ભાગવાનો પ્રયાસ કર્યો હતો. જો કે બીજા માળે મકાન બંધ હોવાથી ગેલેરીમાં જ ફસાઇ ગયો હતો. આખરે ચોરને ફાયરની મદદથી નીચે ઉતારી પોલીસને સોંપાયો હતો.
