વલસાડના વાપીમાં વધુ એક વખત નશીલા પદાર્થોનું ઉત્પાદન કરતી ફેક્ટરી અને ગોડાઉન પર ATS દ્વારા દરોડા પાડવામાં આવ્યા હતાં. દમણમાં તૈયાર થતું ડ્રગ્સ દેશના વિવિધ રાજ્યોમાં સપ્લાય કરવામાં આવે તે પહેલા જ ATS દ્વારા તેનો પર્દાફાશ કરવામાં આવ્યો હતો. 30 કરોડના તૈયાર ડ્રગ્સ અને 300 કરોડનું રો મટીરીયલ દરોડા દરમિયાન કબજે કરાયું હતું. ATS દ્વારા આ કેસમાં પેરોલ જમ્પ કરીને નશીલા વ્યવસાય સાથે જોડાયેલા એક આરોપીની ધરપકડ કરી હતી. ત્યાર બાદ ATS દ્વારા વધુ બે આરોપીઓને પકડી લેવાયા છે.
વાપીના ડ્રગ્સ કેસમાં વધુ બે આરોપીઓની ધરપકડ
ગુજરાત ATS દ્વારા વાપીના ડ્રગ્સ કેસમાં વધુ બે આરોપીઓની ધરપકડ કરી છે. સોનુ ભારદ્વાજ અને નિલેશ પાંડેની ધરપકડ કરી છે. બંને આરોપીઓની ધરપકડ કરી કોર્ટમાં રજૂ કરીને રિમાન્ડ માંગવામાં આવ્યા હતાં. કોર્ટે બંને આરોપીઓના 10 દિવસના રિમાન્ડ મંજૂર કર્યા છે. આ કેસમાં આરોપી મેહુલ ઠાકુર અને વિવેક રાય હજુ પણ ફરાર છે. સમગ્ર કેસમાં ATS દ્વારા તપાસ વધુ તેજ કરવામાં આવી છે. જેમાં બે આરોપીઓને પકડવામાં સફળતા મળી છે. ATS દ્વારા અગાઉ મોહન પાલીવાલ નામના આરોપીની ધરપકડ કરી હતી.
