દાહોદ જિલ્લાના ચાકલીયામાં પોલીસે પેટ્રોલિંગ દરમિયાન એક બિનવારસી કારમાંથી મોટા પ્રમાણમાં અફીણના પોષ ડોડાનો જથ્થો ઝડપી પાડ્યો હતો. પોલીસે NDPS (નાર્કોટિક ડ્રગ્સ એન્ડ સાયકોટ્રોપિક સબસ્ટન્સ) એક્ટ હેઠળ ગુનો નોંધીને વધુ તપાસ હાથ ધરી હતી. ચાકલીયા પોલીસ પેટ્રોલિંગ કરી રહી હતી. તે દરમિયાન એક શંકાસ્પદ બિનવારસી ક્રેટા ગાડી પર તેમની નજર પડી હતી.


ગાડીમાંથી અફીણના પોષ ડોડા ભરેલા થેલા મળી આવ્યા 

Also Read

પોલીસે ગાડીની તલાશી લેતા તેમાંથી 17 જેટલા થેલા મળી આવ્યા હતા. આ થેલાની અંદર અફીણના પોષ ડોડા ભરેલા હતા. પોલીસે આ પોષ ડોડા અને ક્રેટા ગાડી સહિત કુલ રૂ.14,09,120નો મુદ્દામાલ કબજે કર્યો હતો. આરોપીઓ પોલીસની ગંધ આવતા કાર છોડીને ફરાર થઈ ગયા હોવાનું માનવામાં આવે છે. પોલીસે તાત્કાલિક કારના માલિક વિરુદ્ધ ગુનો નોંધીને તેની શોધખોળ શરૂ કરી દીધી હતી.

વિસ્તારોમાં ડ્રગ્સની હેરાફેરીના દૂષણને ઉજાગર થયું

આ જથ્થો ક્યાંથી લાવવામાં આવ્યો હતો અને કોને પહોંચાડવાનો હતો તે દિશામાં પણ પોલીસે તપાસ હાથ ધરી હતી. પોલીસની આ સફળ કામગીરીથી ડ્રગ્સના વેપલા પર લગામ કસવામાં મદદ મળશે. આ ઘટનાએ ફરી એકવાર દાહોદ જેવા સરહદી વિસ્તારોમાં ડ્રગ્સની હેરાફેરીના દૂષણને ઉજાગર કર્યું હતું. પોલીસ હવે આ નેટવર્કના મૂળ સુધી પહોંચવા અને અન્ય આરોપીઓને પકડવા માટે સઘન પ્રયાસો કરી રહી છે.


  • Follow us on: