Devbhumi Dwarka News: જામકલ્યાણપુરમાં અનાજ ભરેલો ટ્રક ઝડપાયો, 420 બોરી ઘઉંનો જથ્થો કબજે કર્યો

જામકલ્યાણપુરમાં અનાજ ભરેલો ટ્રક ઝડપાયો છે. ટ્રકમાંથી શંકાસ્પદ સરકારી અનાજનો જથ્થો મળ્યો મળી આવતાં પોલીસે ટ્ર્કને પોતાના કબ્જામાં લીધી છે. 420 બોરી ઘઉંનો જથ્થો કલ્યાણપુર પોલીસે ઝડપી પાડી આગળની કાર્યવાહી હાથ ધરી. ઘઉંનો જથ્થો દ્વારકા લઇ જવાતો હોવાનું અનુમાન લગાવવામાં આવ્યું છે. પોલીસે મુદ્દામાલ કબ્જે કરી તપાસ હાથ ધરી છે.

420 બોરી ઘઉંનો જથ્થો કલ્યાણપુર પોલીસે ઝડપ્યો

દેવભૂમિ દ્વારકાના જામ ખંભાળીયાના જામ કલ્યાણપુરમાંથી આધાર પુરાવા વિનાનો શંકાસ્પદ સરકારી અનાજ ભરેલો ટ્રક ઝડપાયો છે. જેમાં 420 બોરી ઘઉંનો જથ્થો સગેવગે થાય તે પહેલા જ કલ્યાણપુર પોલીસે ઝડપી પાડયો હતો. કલ્યાણપુર સરકારી ગોડાઉનમાંથી ઘઉંનો જથ્થો ભરીને દ્વારકા તરફ જથ્થો લઇ જવાતો હોવાનું અનુમાન પોલીસ દ્વારા લગાવવામાં આવી રહ્યું છે. પોલીસે ટ્રક અને ઘઉંના જથ્થા સાથેનો મુદ્દામાલ કબ્જે કરી આગળની તપાસ હાથ ધરી. ગરીબોના હક્કનું અનાજ આવી રીતે ચોરી કરવામાં આવી રહ્યું છે ત્યારે પોલીસે સતર્કતા દાખવીને તેને પકડી પાડ્યું છે.

પોલીસે મુદ્દામાલ કબ્જે કરી તપાસ હાથ ધરી

અગાઉ પણ આમોદ તાલુકાના કોલવણા ગામે રહેતા દુકાન સંચાલકના પતિ પાસેથી પિકઅપ ગાડીમાં ઘઉં અને ચોખાનો સરકારી અનાજનો જથ્થો લઇને મોભા ગામે જતાં બે ઇસમોને આમોદ પોલીસે આછોદ ત્રણ રસ્તા પાસેથી ઝડપી પાડયા હતાં. સરકારી અનાજના જથ્થા બાબતે કોઈ ખુલાસો નહી કરતાં પોલીસે બે ઇસમોની અટકાયત કરી પિકઅપ ગાડી જપ્ત કરી કાયદેસરની કાર્યવાહી ધરી હતી. તપાસ કરતા ઘઉંની 36 થેલી તથા ચોખાની 24 થેલી મળી કુલ 60 થેલી મળી આવી હતી. પોલીસે ઘઉ અને ચોખાનો કુલ રૂ 90,000નો જથ્થો અને ગાડી મળી કુલ રૂ 4,95,000 નો મુદામાલ જપ્ત કરી પુરવઠા મામલતદારની હાજરીમાં સરકારી ગોડાઉનમાં સીઝ કરાવ્યો હતો.