Gir Somnath જિલ્લામાં ભારે વરસાદ, ઉનાનું ખંઢેરા ગામ બન્યું સંપર્ક વિહોણું બન્યું, સર્વત્ર જળબંબાકાર

અરબી સમુદ્રમાં ઉભા થયેલા ડિપ્રેશનના કારણે રાજ્યમાં કમોસમી વરસાદ વરસી રહ્યો છે. ગીર સોમનાથ જિલ્લામાં ભારે વરસાદ પડ્યો છે જેથી સર્વત્ર પાણી ભરાઇ ગયા છે.

 ભારે તારાજી

ગીર સોમનાથ જિલ્લાના ઉનામાં ભારે વરસાદ વરસ્યો છે જેના કારણે ભારે તારાજી જોવા મળી રહી છે. ઉનાના અનેક ગામોમાં પાણી ફરી વળ્યા છે. વરસાદના કારણે જનજીવન અસ્તવ્યસ્ત થઇ ગયું છે અને ખેડૂતોને પણ ભારે નુકશાન થયું છે.

ગુપ્ત પ્રયાગનું શ્યામ મંદિર પાણીમાં ગરકાવ

ઉનાના સુપ્રસિદ્ધ ગુપ્ત પ્રયાગનું શ્યામ મંદિર પાણીમાં ગરકાવ થયું છે. ગુપ્ત પ્રયાગની આસપાસ ના ખંઢેરા, વાસોજ, લામધાર સહિત ના ગામો માં પાણી ઘૂસ્યા છે પરિણામે લોકોને તકલીફનો સામનો કરવો પડી રહ્યો છે.

ઉનાનું ખંઢેરા ગામ બન્યું સંપર્ક વિહોણું બન્યું

બીજી તરફ ઉનાના અનેક ગામોમાં પાણી ફરી વળ્યા છે. ઉનાનું ખંઢેરા ગામ બન્યું સંપર્ક વિહોણું બન્યું છે. ઉપરવાસમાં ભારે વરસાદથી સ્થિતિ કફોડી જોવા મળી રહી છે. ગામને જોડતા કોઝવે પર પાણી ફરી વળ્યા છે જેથી ખંઢેરા ગામના લોકોની મુશ્કેલીમાં વધારો થયો છે.

ગામને જોડતો લો લેવલ કોઝવે ઉંચો બનાવવાની માગ લોકોએ કરી

ગામને જોડતો લો લેવલ કોઝવે ઉંચો બનાવવાની માગ લોકોએ કરી છે. ગ્રામજનોએ કરેલી માગણી પછી પણ તંત્રએ કોઝ વેને ઉંચો બનાવ્યો નથી જેથી ચોમાસામાં લોકોને ભારે તકલીફનો સામનો કરવો પડી રહ્યો છે.