સાબરડેરીના લાખો પશુપાલકો અને સભાસદો માટે એક મહત્વપૂર્ણ સમાચાર સામે આવ્યા છે. આગામી 11 ઓગસ્ટના રોજ સાબરડેરીની સાધારણ સભા યોજાશે. આ સભામાં અનેક મહત્વપૂર્ણ ઠરાવો રજૂ કરવામાં આવશે અને સૌથી અગત્યનું સભા બાદ દૂધ ઉત્પાદકોને વધારાનો ભાવફેર ચૂકવવામાં આવશે તેવી જાહેરાત કરવામાં આવી છે.


995 ભાવ ફેરની કરવામાં આવી છે જાહેરાત

મળતી જાણકારી અનુસાર, સાબરડેરી દ્વારા અગાઉ જ રૂપિયા 995 પ્રતિ કિલો ફેટે વધારાનો ભાવફેર ચૂકવવાની જાહેરાત કરવામાં આવી છે. 11 ઓગસ્ટની સાધારણ સભા બાદ આ ભાવફેર સભાસદોના સભાસદોના ખાતામાં જમા કરવામાં આવશે, જે પશુપાલકો માટે આર્થિક રીતે મોટી રાહતરૂપ બનશે. આ સભામાં ડેરીના વાર્ષિક હિસાબો, ભવિષ્યની યોજનાઓ અને અન્ય વહીવટી નિર્ણયો અંગે પણ ચર્ચા કરવામાં આવશે.

Also Read

અન્ય સંઘોની સાધારણ સભા હજુ બાકી

ઉલ્લેખનીય છે કે, સભાસદોને ડેરીની કામગીરી અને ભાવી દિશા અંગે માહિતગાર કરવામાં આવશે. રાજ્યના અન્ય દૂધ સંઘોની સાધારણ સભાઓ હજુ બાકી છે. સાબર ડેરો દ્વારા યોજાઈ રહેલી આ સભા અને ભાવફેરની ચૂકવણી અન્ય દૂધ સંઘો માટે પણ દિશાસૂચક બનશે. આ પગલું દૂધ ઉત્પાદકોના હિતમાં હોવાથી સમગ્ર પશુપાલક આલમમાં ખૂશીનો માહોલ જોવા મળી રહ્યો છે.


  • Follow us on: