Himmatnagar: રસ્તાઓમાં પડેલા ખાડાઓથી વાહન ચાલકો પરેશાન, સર્વિસ રોડ પર કાર ફસાતા ટીઆરબી જવાનોએ કાઢી

હિંમતનગરમાં ખાડાથી વાહનચાલકો પરેશાન થયા છે. સર્વિસ રોડ પરના ખાડામાં કાર ફસાઇ હોવાની ઘટના સામે આવી છે. નેશનલ હાઈવે પર ખાડા વાહન ચાલકો માટ મોટી મુસીબત બન્યા છે. ખાડાઓને કારણે ટાયર ફાટવાના અનેક બનાવો સામે આવ્યા છે. ખાડામાં ઉતરતા વાહનોને નુકસાન થઈ રહ્યા છે. રોડની મરામત કરવામાં આવે તેવી વાગન ચાલકો દ્વારા માગ કરવામાં આવી રહી છે.

હિંમતનગરમાં ખાડાથી વાહનચાલકો પરેશાન 

રાજ્યમાં પડેલા ભારે વરસાદના કારણે રોડ પર ઠેર ઠેર ખાડા પડ્યા છે. હિંમતનગરમાં ખરાબ રસ્તાઓના કારણે વાહન ચાલકો પરેશાન થયા છે. રસ્તામાં પડેલા ખાડામાં એક કાર ફસાઈ હતી. ફસાયેલી કારને પોલીસ, ટીઆરબી જવાનો અને યુવાનોની મદદથી બહાર કાઢવામાં આવી હતી. ખરાબ રસ્તાઓથી અવારનવાર ગાડીઓના ટાયર ફાટવાના બનાવોમાં વધારો થયો છે. ખાડામાં ઉતરતા વાહનોને નુકસાન થી રહ્યું છે.

ખાડાઓને કારણે ટાયર ફાટવાના અનેક બનાવો

સર્વિસ રોડ અને નેશનલ હાઈવેની હાલત બિસ્માર થઈ છે. રોડ પર મસમોટા ખાડાના કારણે વાહનચાલકો ભારે પરેશાન થઈ રહ્યા છે. તેમજ ભારે ટ્રાફિકનો સામનો કરી રહ્યા છે. સ્થાનિકોએ તંત્ર પાસે તાત્કાલિક રોડની મરામતની માગણી કરી છે. લોકોનું કહેવું છે કે ખાડાઓના કારણે વાહનોમાં નુકસાની આવે છે. આ સાથે જ લોકોને ભારે ટ્રફિક જામનો સામનો કરવો પડે છે.