હિંમતનગરમાં ચોંકાવનારો બનાવ બન્યો છે જ્યાં 15 વર્ષીય કિશોરીનું હાર્ટ એટેકથી મોત થયું છે. નાની વયે અચાનક આવેલા હાર્ટ એટેકના બનાવે હિંમતનગરમાં લોકોની ચિંતા વધારી દીધી છે.


રાજવી દવે નામની 15 વર્ષની નાની દીકરીને હાર્ટ એટેક

મળેલી માહિતી પ્રમાણે હિંમતનગરની રાજવી દવે નામની 15 વર્ષની નાની દીકરીને હાર્ટ એટેક આવ્યો હતો. તેને તત્કાળ ખાનગી હોસ્પિટલમાં લઇ જવાઇ હતી પણ હોસ્પિટલમાં પહોંચતા જ તબીબે તેને મૃત જાહેર કરી હતી.

બાથરુમમાંથી નાહીને બહાર આવ્યા બાદ અચાનક જ ઢળી પડી

મળેલી માહિતી મુજબ આ કિશોરી બાથરુમમાંથી નાહીને બહાર આવ્યા બાદ અચાનક જ ઢળી પડી હતી જેથી તેના પરિવારામાં દોડધામ મચી ગઇ હતી પણ હોસ્પિટલમાં પહોંચે તે પહેલા જ તેનુ નિધન થયું હતું.

Also Read

નાની વયે જ દિકરીના હાર્ટ એટેકથી મોતના સમાચારથી પરિવારમાં શોક

નાની વયે જ દિકરીના હાર્ટ એટેકથી મોતના સમાચારથી પરિવારમાં શોક ફરી વળ્યો હતો. નાની વયે કિશોરીને હાર્ટ આવતા હિંમતનગરમાં સમાચાર પ્રસરી ગયા હતા અને લોકોમાં દુઃખની લાગણી પ્રસરી ગઇ હતી.

લોકોમાં ચિંતાની સાથે અનેક સવાલો

હાલના સમયમાં નાની વયના લોકોમાં હાર્ટ એટેકના બનાવો વધી રહ્યા છે જેથી આરોગ્ય બાબતે લોકોમાં ચિંતાની સાથે અનેક સવાલો પણ ઉભા થયા છે.


  • Follow us on: